漁正居酒屋

Open Now

Now Closed

收工好攰，約左朋友去居酒屋飲番杯。呢間餐廳既環境氣氛同日本地道既居酒屋都幾似，令人好放鬆，可以放心傾計同食餐飽。日本枝豆入口暖暖地，上面曬左少少鹽，最啱同朋友一路吹水一路食。北寄貝好大件北寄貝！肉質好肥美，食落味道甘甜鮟鱇魚肝口感比較厚實，味道好濃郁豚肉生薑燒好惹味既小菜，豚肉好軟腍，切絲既洋蔥亦好入味。清酒煮蜆蜆肉幾大隻而且一啲沙都無，連埋清酒一齊煮，清甜無比。串燒（一口蕃薯、燒鵪鶉蛋、雞軟骨、柚子鹽燒白鱔）最正既鹽燒白鱔，魚皮燒至香脆，魚肉亦帶點油脂，味道香濃。鵪鶉蛋燒到裂開，見到少少蛋黃，上面淋上燒汁，味道唔錯。雞軟骨呈金黃色，好爽脆。蒲燒鰻魚上面加左芝麻同醬汁，鰻魚肉質鮮嫩，食落鹹中帶甜蘋果汁冰凍既蘋果汁香甜濃郁，而且幾大杯。Suntory啤酒飲番杯冰涼清爽既啤酒，配埋以上既小菜及串燒，真係一流。