港 (Closed)

放工攰攰地好想搵D酒精黎放鬆下自己，所以約左朋友去灣仔搵間chill既餐廳邊飲邊食。朋友話轉入D細巷睇下邊間好。黎到汕頭街盡頭竟然搵到間門口企滿人既Restaurant & Bar，店面不大，但勝在人氣旺！🔸 炸雞皮 $58可能要迎合外國風，雞皮炸到好似一塊勁大既薯片咁，超級脆，一咬落去索索聲，好邪惡！仲有少少醬汁，配酒必備。🔸 港式咸檸炸雞 $158菜造型十分霸氣，成隻大號角咁上，打卡一流！炸雞份量多，皮脆多肉。醬汁有別於一般韓式炸雞，配上香港獨有既咸檸汁，別有一番風味。相信外國人會覺得好特別。🔸 避風塘芝士蟹腸粉 $168個人認為會係招牌推介！雖然價錢略貴，但係我食過有史以黎最特別配搭既腸粉。好Fusion咁用避風塘mix芝士醬淋上腸粉上面，一D違和感都無，仲好夾。感覺似食緊卡邦尼咁，帶少少香口微辣，惹味既。🔸  Gin & Tonic $45 (Happy Hour)Happy Hour價錢幾抵飲，同同事放工過黎呻下一日既辛酸，一杯酒精飲品一定走唔甩。清新易入口。