101 Binary

Open Now

Now Closed

餐廳位於天后酒店樓下，係一間優閒嘅咖啡店，鬧市中帶點寧靜，稍為放慢腳步相當舒適。美國牛肩扒配炸薯條、焗蒜頭 $248牛扒肉質鮮嫩多汁，油脂同肉汁都鎖住喺牛扒入面，咬落去好鬆化，炸薯條炸得金黃酥脆，焗蒜頭仲可以點綴牛扒令牛味更加突出。香煎脆皮鴨胸肉伴薯蓉配雜菜 $128一上菜就聞到鴨肉香味，鴨皮煎得香脆，肉質鮮嫩，搭配幼滑薯蓉，令薯蓉增添左肉香同油脂，增加豐富的口感和層次感。牛角飽 $25外酥內軟，牛油香味加上酥皮鬆脆口感，搭配任何餐點都相當美味。薄荷朱古力 $53濃郁嘅朱古力奶味香濃，帶淡淡薄荷清甜。