香港華商銀行公會 (Under Renovation)

一大班人放工想搵個地方聚下腳吹下水又有美食, 喺中環核心地段, 地理位置優越既香港華商銀行公會係一個唔錯既選擇👍南乳脆鱔球天氣涼左可能多左人會打邊爐, 白鱔片係好多人打邊爐至愛之一, 喺華商呢度會食到一種比較特式既煮法, 南乳花生大家都食得多啦, 都係大熱門既零食之一, 但大家一定未食過南乳加脆鱔球呢個新穎配搭, 一上枱就散發住極香既南乳味, 一咬果一刻, 鱔汁油香四溢, 回味無窮🤤翡翠蔥燒鮮龍躉斑球跟住都係食下魚先, 惹味既蔥燒龍躉斑球放喺西蘭花上面, 一黎升起左舊魚等你易夾d, 而且斑球既魚鮮汁會慢慢滲晒入西蘭花入面, 唔洗落蠔油都得👍花膠絲燴五蛇羹本人至愛食蛇羹架喇, 天氣一轉涼就要食少少補下虛弱既身體🙈蛇既份量非常足料, 配埋爽口既花膠絲, 同埋惹味既香菇, 加埋適量既肉絲, 已足夠令人食到補到流晒鼻血😂家鄉臘味糯米飯好少可見到臘味飯係唔洗落好多油, 但又鑊氣十足, 飯粒炒到粒粒分明, 配埋秘製既醬料, 令臘味更香更濃杏汁焗雪山包, 香軟糯米糍最後甜品都好特別好有特式風味, 試問點估到菠蘿包既外表, 入面竟然係裝滿香滑杏汁😂糯米糍個外皮非常煙韌👍