Video
Read full review
2024-10-05
1741 views
第一次食放題係喺觀塘一間小餐廳，驚為天日，原來一次過可以有咁多選擇。後來有一日嗰間突然之間執咗，我哋咁啱見到呢間餐廳又有放題，嗰時覺得仲痴線，原來天外有天，選擇又比之前嗰間多幾倍。時至今日，我哋仲係成日嚟幫襯呢間，當然唔會有第一次食嗰種震撼，但係每次嚟都有新嘅嘢食驚喜，睇得出有用心經營，難怪可以喺呢區做咗咁多年。 🍖今次嚟首先就係俾嗰個成座山嘅榴槤蓉震攝到，我本身唔食榴槤，但係D24蘇丹皇，聽落好似好勁，朋友話好正，話以後中秋節都唔食蓮蓉，要改食榴槤蓉。 🍖我自己就鍾意佢嘅鮑心翅肚，佢嘅機燒鮑魚好入味，而且好淋身，成只放落口都好容易。花膠同魚翅共冶一爐，大大塊花膠，配合一條條分明嘅魚翅羹，仲有好多蟹肉，成個湯好濃郁。至於參，其實就冇海參，但係如果佢就落足本有 Haagen daz 雪糕同埋心形雪條，絕對係飯後甜品嘅必然選擇。 🍖其他放題必食嘅指標性食物，包括刺身，壽司，炸物，天婦羅，煮物，燒物，全部都性價比非常之高，我最鍾意就係佢嘅三文魚刺身，超厚身，仲有鵝肝薄脆，大舊到震，而且鵝肝嘅油足料到係咁滴出嚟，非常濃郁，但係又唔腥。甜品唔使講啦，頭先個雪糕已經回本，但係佢仲有個布甸，係我私
🍖今次嚟首先就係俾嗰個成座山嘅榴槤蓉震攝到，我本身唔食榴槤，但係D24蘇丹皇，聽落好似好勁，朋友話好正，話以後中秋節都唔食蓮蓉，要改食榴槤蓉。
🍖我自己就鍾意佢嘅鮑心翅肚，佢嘅機燒鮑魚好入味，而且好淋身，成只放落口都好容易。花膠同魚翅共冶一爐，大大塊花膠，配合一條條分明嘅魚翅羹，仲有好多蟹肉，成個湯好濃郁。至於參，其實就冇海參，但係如果佢就落足本有 Haagen daz 雪糕同埋心形雪條，絕對係飯後甜品嘅必然選擇。
🍖其他放題必食嘅指標性食物，包括刺身，壽司，炸物，天婦羅，煮物，燒物，全部都性價比非常之高，我最鍾意就係佢嘅三文魚刺身，超厚身，仲有鵝肝薄脆，大舊到震，而且鵝肝嘅油足料到係咁滴出嚟，非常濃郁，但係又唔腥。甜品唔使講啦，頭先個雪糕已經回本，但係佢仲有個布甸，係我私心推介，佢除咗好味，上面又鋪滿曬小丸子，同埋芒果，味道同口感都非常之一流。最後就係飲品，尤其酒類非常多，尤其啤酒，而且都係出名嘅牌子，高檔嘢。
Post
