御滿屋日本料理

Open Now

Now Closed

同個舊同學聚舊，大家話好懷念以前放學一齊去食放題既日子，講講下就真係話去食放題，揀咗呢間朋友話食過唔錯既放題。嚟食放題梗係一嚟到就叫一堆刺身食先嫁啦，朋友同我都係大食怪，兩個人但差唔多樣樣都叫咗十片咁滯，平時啲放題可能會漏單或者俾既數量無你寫既咁多，但呢度就無，份份個數量都俾足。而且刺身嚟講算好多選擇，連池魚、生蝦、角螺等等都有，蝦仲有大赤蝦同甜蝦添，而且都好好食。壽司都有唔少選擇，比較特別同鐘意既就有呢估"鵝肝伴帶子"、"海膽伴拖羅蓉"同埋"蟹膏皇帝蟹腳壽司"，其他放題好少見到有呢啲感覺比較高級配搭既壽司。仲有好多唔同火炙壽司！熟食都好多選擇同好好味，特別鐘意有呢個蒲燒鰻魚，好厚肉又好入味，我地encore咗幾次添。羊鞍好多肉好好食！黃金芝士帆立貝，好入味，好食！雞軟骨都係我地既飛佛！除咗嘢食好多之外，嘢飲都好多，即整既有啲梳打，我就叫咗呢個藍糖白桃梳打，幾好飲！好出奇竟然有Hoegaarden，仲要有Cherry味，朋友拎咗嚟飲。呢度都有清酒同梅酒任飲！甜品有得出面拎一啲蛋榚仔、雪米糍等，仲有每人可以揀一個比較高級既Movenpick或者Haagen Darz雪榚。