正品蕃茄湯麵店

Open Now

Now Closed

平時放lunch都會係沙咀道一帶開飯，食來食去都係個幾間好悶今日試下再行另一度發現有哩間餐廳，我見到門口餐牌都幾吸引，有我鍾情既蕃茄一於試一試！本身我同個同事都想食佢地既（特/常餐），但staff話星期一至五要2點後先供應，星期六日就可以11點後供應咁唯有再睇過餐牌，其實都好多選擇既，最後我揀左午餐（魚腐香芹蕃茄湯麵🍜跟一杯熱飲$42）湯夠蕃茄味而且有芹菜同埋有d薯仔蓉好正，唔會太酸岩我口味，蕃茄麵幾有特色不過比較細份，如果好肚餓既應該唔太夠飽魚腐有4粒幾好味彈牙唔腥整體都幾好味，下次會試下腐皮墨丸卷，好多臺都有叫順帶一提平日中午一點爆哂場，不過佢位都比較多唔需要等好耐就入得！