Video
Read full review
2022-05-21
828 views
📌 齊柏林熱狗店 (協興工業中心)📍 火炭坳背灣街27-31號協興工業中心地下1A號舖☎️ 63045413★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*`我成日都食齊柏林㗎。佢個熱狗包好軟熟好香牛油味，依家仲有得單買$8一個自己番屋企自創熱狗添。呢日經過火炭呢間有教主牌加持嘅齊柏林，又外賣咗兩隻🌭🌭番屋企喇。熱狗即叫即整，雖然有9款熱狗咁多，不過身為千島醬fan嘅我，一定係揀👇🏻💫澳式風情熱狗🌭（$38）熱狗入面有菠蘿🍍、煙肉🥓、芝士🧀、千島醬、紐倫堡腸。個包烘熱咗，番到屋企食，包身都仲係脹卜卜好鬆軟，唔會濕同淋pat pat！紐倫堡腸好脆皮好Juicy，仲有芝士同煙肉做餡。熱狗入面有菠蘿，個味好清新，平衡番肉嘅膩。千島醬大量淋起熱狗面，甜甜酸酸嘅味道刺激味蕾。成隻熱狗🌭️爆多料，食落啖啖都好豐富，勁滿意！💫士林原味熱狗🌭️（$32）好粗嘅匈牙利腸（110g一條呀！）加上茄汁酸瓜醬同燒烤汁同芝士粉。我本身唔係特別喜歡芥末醬所以走咗芥末。腸有少少辣，雖然係三種醬汁混合，但出奇地夾，味道豐富。💫黑松露醬大薯條（$30）一大盒薯條即叫即炸
📍 火炭坳背灣街27-31號協興工業中心地下1A號舖
☎️ 63045413
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*`
我成日都食齊柏林㗎。佢個熱狗包好軟熟好香牛油味，依家仲有得單買$8一個自己番屋企自創熱狗添。
呢日經過火炭呢間有教主牌加持嘅齊柏林，又外賣咗兩隻🌭🌭番屋企喇。熱狗即叫即整，雖然有9款熱狗咁多，不過身為千島醬fan嘅我，一定係揀👇🏻
💫澳式風情熱狗🌭（$38）
熱狗入面有菠蘿🍍、煙肉🥓、芝士🧀、千島醬、紐倫堡腸。
個包烘熱咗，番到屋企食，包身都仲係脹卜卜好鬆軟，唔會濕同淋pat pat！紐倫堡腸好脆皮好Juicy，仲有芝士同煙肉做餡。熱狗入面有菠蘿，個味好清新，平衡番肉嘅膩。千島醬大量淋起熱狗面，甜甜酸酸嘅味道刺激味蕾。成隻熱狗🌭️爆多料，食落啖啖都好豐富，勁滿意！
💫士林原味熱狗🌭️（$32）
好粗嘅匈牙利腸（110g一條呀！）加上茄汁酸瓜醬同燒烤汁同芝士粉。我本身唔係特別喜歡芥末醬所以走咗芥末。腸有少少辣，雖然係三種醬汁混合，但出奇地夾，味道豐富。
💫黑松露醬大薯條（$30）
一大盒薯條即叫即炸，外賣番去打開都仲好脆唔淋。好大手筆咁俾咗兩盒黑松露醬，完全唔怕唔夠點。濃郁嘅黑松露味，食果陣屋企人問我你食薯條定食醬呀。
💫飛船小食杯（$30）
入面有洋蔥圈、雞塊同薯格。啱晒乜都想食嘅我。全部即叫即炸，炸得非常乾身。雞塊最好味！外觀比金拱門薄身，皮脆而肉質嫩滑。附上燒烤汁、茄汁同千島醬，隨你個人口味任君選擇！
💫菊9汽（$18）
個名改得好搞笑，係齊柏林自家製嘅銀菊露汽水。 食完以上嘅熱氣嘢，飲下佢中和番嘅火氣，好清熱。
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*`
Post
