Video
Read full review
2008-08-03
78 views
住0係九龍城咁耐就幫襯了呢度咁耐, 加上呢度係過節食飯長輩們的指定地點, 好一段時間係對呢度0既晚市套餐十分厭惡 呢日一行 5 人重訪係阿媽的提議, 見咁耐無食過, 就點話點好啦. 叫了 5 個(食送), 整體水準係俾印象中的好得多, 散叫果然唔同 d:- 走地雞 (半隻): 雞肉十分嫩滑, 雞皮薄薄爽爽, 雞味薄0左 d, 不過蘸上十分惹味的蔥茸, 都幾好食; 另外仲有鹽水雞雜 (雞肝, 雞腎及雞腸), 以鹹香爽口的雞腸最好食; 雞肝就淡口得很, 仲帶苦澀味, 唔掂. 不過雞肝呢樣0野, 都係蜜燒或鹽焗 (e.g. 港大校友會0個 d: http://www.openrice.com/restaurant/commentdetail.htm?commentid=1891745) 最0岩口味.- 帶子賽螃蟹: 無落蛋黃的, 叫「帶子炒蛋白」比較貼切. 蛋白幾滑, 帶子爽口鮮味, 淋上淅醋, 味道都唔錯, 不過始終無了蛋黃, 感覺若有所失.- 海參豆腐煲: 海參得個爽口, 無味的, 十足橡筋 @_@" 豆腐 size 大, 幾滑; d 汁就最正, 帶點五香 / 花椒八角
- 走地雞 (半隻): 雞肉十分嫩滑, 雞皮薄薄爽爽, 雞味薄0左 d, 不過蘸上十分惹味的蔥茸, 都幾好食; 另外仲有鹽水雞雜 (雞肝, 雞腎及雞腸), 以鹹香爽口的雞腸最好食; 雞肝就淡口得很, 仲帶苦澀味, 唔掂. 不過雞肝呢樣0野, 都係蜜燒或鹽焗 (e.g. 港大校友會0個 d: http://www.openrice.com/restaurant/commentdetail.htm?commentid=1891745) 最0岩口味.
- 帶子賽螃蟹: 無落蛋黃的, 叫「帶子炒蛋白」比較貼切. 蛋白幾滑, 帶子爽口鮮味, 淋上淅醋, 味道都唔錯, 不過始終無了蛋黃, 感覺若有所失.
- 海參豆腐煲: 海參得個爽口, 無味的, 十足橡筋 @_@" 豆腐 size 大, 幾滑; d 汁就最正, 帶點五香 / 花椒八角 (?) 又帶點蝦籽味, 諗起細個時外婆整的勁正炆豬肉! 另外仲有冬菇, 夠入味, 不錯.
- 蛋白蒸頂角羔蟹: 阿媽俾呢個的宣傳 poster 相片吸引了, 所以叫0黎試試 話明「頂角羔蟹」, 結果又真係好多橙色的蟹羔, 蒸得少少硬, 味道亦一般; 黃色0個 d 仲好食, 甘香又帶甜, 配上索了蟹汁的蛋白, 都幾好食. 羔蟹肉較散都預0左, 但味道幾鮮甜的. 整體係清淡0左少少.
- 仲有糖水送: 揀了腐竹白果薏米, 腐竹煲到爛晒, 十足飲豆漿一樣, 0岩口味, 不過質地都幾杰撻撻; 白果粉粉軟軟, 不錯.
招呼同以往一樣咁好, 不過只因我0地檯有一位熟客仔 / VIP 如果唔同佢0地一齊0黎, 唔知分別有幾大?
又蟹又雞又海參, 埋單每人約 $180, 雖然味道唔係 dum 一聲咁好, 但起碼比晚市套餐好食 10 倍以上吧, 都 ok 的.
P.S. 自己睇返先知, 原來早期留過兩篇內容頗為空洞的飲茶食評俾呢度, 哈哈.
Post
