金牌小龍 (Moved) New Location

原本諗住食一風堂, 結果得個吉, 去到竟然要等3百張枱, 真係前所未聞但我竟然見到有一部份人堅持照等, 我當然無呢個心情啦, 大不了一年後再黎....睇下d人仲係唔係咁瘋狂....無得食當然要去等2度啦, 結果我地兜左幾層the one, 最後揀左金牌小龍....坐低後見到佢原來國內勁多分店, 個心已經定左一半....我地叫左紅燒豬手 -- 一向鍾意食豬手, 對食豬手唔多唔少有d要求, 呢個真係做得好好, 又入味又炆得淋, 而且豬手乾淨, 一d豬毛都無.....絕對係必叫之選 原盅雞湯麵 -- 雞湯有濃濃既雞味, 而且熱到辣咀....加入凍既麵度都依然夠熱...加上麵質煙煙韌韌, 好有水準...蒜蓉炒油麥菜-- 一向對油麥菜有少少偏見, 硬係覺得打邊爐先好味.....但呢個炒菜好掂wor, 一黎有獲氣, 二黎本身個菜好鮮甜....雖然個餸好似好普通, 但又真係好味wor, 而且令我對油麥菜改觀唔少...台式麻醬撈麵 -- 其實都唔錯, 不過自己一向唔太好麻醬, 因為有d花生醬味....菜肉餛飩湯 -- 皮薄餡靚, d皮好滑, 餡料係菜多個肉, 反而無咁膩....感覺更加清新