金牌小龍 (Moved) New Location

本人到尖沙咀都幾鍾意到I-square 食飯，貪佢近地鐵站不怕風吹雨打有戲院又相對少人。餐廳既座位非常寬敞，唔會同鄰座太近可以靜靜傾計。蒜泥白肉$52好重蒜同辣味，薄薄既白肉有肥有瘦可以點到好多醬汁。台式擔擔麵$38好濃味好重麻醬味，我本人本身偏愛麻醬味濃既擔擔麵所以非常滿意。酥炸黃花魚$62本身都鍾意食黃花魚，有清蒸同酥炸，外面比較少見酥炸的大魚，就點左呢個。非常喜愛，炸完後內裡的魚肉依然非常滑，唔洗點醬都好好味。蟹皇小籠包$48小籠包皮薄煙靭，不易破爛，但小籠包唔夠熱唔夠多汁，湯汁無乜蟹皇鮮味，比較失望的菜式。

行完街朋友問我想食咩？個下非常想食上海菜，特別係小籠包朋友聽到後就帶左我去一間叫金牌小龍既中式餐廳，位於尖沙咀the one上位等位的人都幾多下，好不容易坐到入去，當然第一時間點番個多汁小籠包先一籠四隻，小巧型，皮薄，肉餡好結實，肥瘦各半，而且湯汁仲好濃郁，夾既時候一定要出動筷子匙羹，唔係就好易整穿個皮漏湯，再配埋浙醋薑絲一齊食，非常獨特既味道紅燒牛肉都都唔可以錯過，牛肉好嫩無渣，而且塊塊仲好厚，湯底雖然顏色好重，但飲落係好清，有肉既鮮甜味，麵條軟硬適中，非常適合我仲點左另一個蝦仁炒飯，炒飯都幾乾身，而且係採用珍珠米，味道甘香，都不錯鐘意食上海菜的一定會再去

1. 辣子雞丁-汁太多,味道一般2. 蟹黃小籠包 - 無蟹味3. 紅油豬耳 - 多毛,豬耳白色,有顏色的豬耳,雖然有油,不過無味4. 黃瓜海哲皮 - 咪淡5. 紅燒豬手 - 未夠入味一試就夠,不會重來

同朋友小敍下午茶，到此嘆番下。店內食客不太多，見到近窗有卡位，便要求坐卡位，坐 卡位好處是開揚， 但不好處就是越坐越熱，冬天就冇所謂，呼籲各位怕熱人士，最好不要選近窗而坐。金牌小籠包,38元。由於不知何故，這幅相不能右轉，所以麻煩大家就一就，我想話比大家知，小籠包有好多汁，汁汁在包內 '朗下朗下'， 雖然皮薄 ，但皮又不會穿，正。韮王鍋貼，48元。金黄色底皮好脆，餡有好多韮王，豬肉多汁。水晶蛋，20 元。雖然有少少流心，色澤都不差，但食落不夠味道，尚需改善。排骨湯麵，58元。排骨是分開上，避免浸林塊排骨，其實塊排骨似朱扒多些。啖啖肉，味道適中，湯麵好清淡。上湯肉鬆波菜，65元。 有少少似金銀蛋波菜D 兄弟姊妹。 有蒜頭，皮蛋做配襯，波菜好新鮮，菜湯都好好飲。全單合共$275元，可取50元coupon 了。

食物包括小籠包,原盅鮮雞湯,蝦仁內絲抄蛋飯,上湯肉鬆菠菜的水準可以及没有味精的味道以及算少油,環境也算不錯。但人手不足及很多乘客追單。而重點是女經理的服務態度惡劣及回覆語氣,令人有ㄧ種國內模式之消費的感覺。令到有種不愉快的感覺等。

今日來The One吃早來的晚餐，選了金牌小龍。對上一次來這𥚃已是幾年前了。桃花依舊笑春風，空間依舊寬敞舒適。7時不到，人不多。只有些老外背包客和我們。來到台灣菜館，又怎樣少了小妹最愛的醉雞？花雕酒味香醇、濃郁，還有淡淡藥材香。雞肉非常入味，但有點鞋口，不夠滑溜。金牌果然是金牌~ 牛肉麵湯麵鮮味、香甜，十分惹味。牛肉軟身，還有點筋，蠻有咬口。但湯麵有點太腍。雖然不及上海的生煎，但這裡的也不錯。生煎包肉汁滿滿，很juicy。外皮厚度還算適中，當然再薄一點點會更好。吃台灣菜，當然少不更事小籠包。這𥚃的選擇蠻多，很多新奇味道。我們這款就是香辣口味。小籠包皮夠薄，很juicy。咬了一口，𥚃面全是紅色，真的有點辣 XD除了椒絲，還有辣椒籽。愛辣之人一定要試。除了愛吃辣，小妹也是朱古力迷。見到朱古力小籠包那麼有趣，就叫了一籠。這甜品比剛才的小籠包細一點，這size做甜品剛剛好。這小籠包外皮很厚很粉。朱古力醬雖濃，但應該是因為預到水的關係，一點也不滑，口感很差。

朋友今次強烈要求食上海野，搵了大家的中間點-尖沙咀的金牌小龍！之前有次食過覺得都ok，但呢間人多就唔係咁好，因為只得2-4人檯，上次10人食飯，拍做超長檯，係傾唔到計的！今次只係4人，坐得舒服又方便點菜，一籠小龍包4粒剛剛好～^_^ 麻辣小龍包超好食！一定要試，又香又夠辣又有少麻！小龍包 - 上到檯介係好熱, 要熱食, 皮薄、餡肉湯汁多!麻辣小龍包 - 好夠辣, 香口, 個人好喜歡!雞絲粉皮 - 好好味! 個麻醬非常之match! 生煎包 - 肉汁熱呼呼, 咬落去小心燙口紅油抄手 - 份量不算多, 不太辣炒飯 - 尚可, 沒特別價錢大眾化！同埋唔使點等位，可以再去～

為左方便睇戲，是但就近食野算喇，試試金牌小龍啦。慢慢研究下 menu，原來依間金牌小龍遍佈大陸咁利害，從來未聽過！仲有朱古力小籠包、香芋小籠包食添！兩口子食唔得幾多，都係由基本開始試啦。Menu 上既菜色真係包羅萬有，搞到我眼花繚亂呢。地方都幾大喎，側邊特大落地玻璃非常光猛，枱櫈密度不高，坐卡位就更舒服啦。想係 facebook 打咭，但金牌小龍個名錯晒囉，金牌小籠、金牌小龍包！招牌灌湯豬肉小籠包，熱騰騰香甜滿滿既湯汁，豬肉味濃厚而芳香，令每顆味蕾都非常雀躍、興奮。輕放在黑醋半響，溫度稍為降低，就立即整粒掉入口中，讓小籠包完整地係嘴入面爆開 ﹗澎湃極香濃甜美豬肉汁滋潤舌尖，拍打牙齒再一滴不漏盡收肚裡去。豬肉非常鬆軟富彈性，合上眼享受著小籠包既回香。還未來得及回味，已忍不住已筷起第 2 隻預備幹掉她，太美味喇。我真係可以食上十隻呢，不過還要留肚食其他佳餚麻。先處理招牌灌湯豬肉小籠包，再黎時令蟹粉小籠包！下次要試埋牛肉小龍包同朱古力小籠包先得！只食左兩隻灌湯小籠包點會夠喉呢 ﹗蟹粉小籠包即叫即蒸，熱辣辣送上，騰雲駕霧一般，輕煙飄香 ﹗蟹粉要立即食，唔夠熱怕會有點腥味呢。蟹粉小籠包，為左拍低

本人好仲意食蟹粉小籠包, 所以一坐底即刻叫返籠先~一放入口,熱騰騰既湯汁湧出來,非常鮮甜,同埋有好香好濃既蟹黃味, 配埋少少彊絲更加吊出佢蟹黃既濃香,真係好鬼好食呀! 好想再ENCORE叫多籠~另外叫左一客生煎包(菜肉),  包既底部煎得好脆, 有少少焦香但又唔會有濃味, 個包好好食, 但就裡面既肉餡就比較乾身無甘JUICY, 所以最好邊食邊配茶飲~整體呢間餐廳食物水準高,可以再ENCORE~

今日約左朋友去尖沙咀睇表演，去之前去食下野先醫飽肚先~我地兩個人共點了:鎮店之寶-金牌小籠包同埋上海肴肉先說說金牌小籠包，皮薄餡靚，一夾起已feel到好juicy，熱辣辣既肉汁鮮甜味美，配埋薑絲豉油，好好食! Btw, 每一隻小籠包收口數過真係有19,20摺，而且夾起來底部沒容易穿，水準之作^^另外點既上海肴肉，這是冷盤，中間透明的啫哩好好食，肉夠林，唔會太UM, 份量都算多,有12片但味道就比較清淡，都算唔錯既。其實呢間最出名係小籠包，仲意食小籠包既人一定要試試。

好耐無拍拖食飯，難得拍拖又經過想食小籠包，於是去吃。一直吃飯沒有相機食先既習慣，所以都無拍下我覺得不錯的小菜。來到金牌小籠當然食金牌小籠包，一籠四隻，皮薄餡靚又多湯，不得不讚。個酸辣湯其實都不錯，不過我覺得唔夠辣。然後一個上海肴肉，一般般。一餐飯唔少得碟菜，叫左個薑汁炒芥蘭，係就係少啲，不過都幾好食，係無乜薑味，少少林。到最後一個我最愛既上海小食，紅油抄手！每一次食上海野都好想食。皆因佢有好多種類既紅油抄手，分別有菜肉、蝦同齊菜，齊菜係最貴。而我最愛係常吃的菜肉。小食來到男朋友吃了一啖懷疑係齊菜黎，於是睇下入面的確係⋯⋯咁就叫侍應來問下，問佢係咪黎左碟齊菜抄手，佢望一望話係呀！之後我地話叫既係菜肉抄手喎⋯⋯佢竟然話係呀係呀菜肉抄手黎囉咪！男朋友話下？但係呢個入面係齊菜黎無肉架啵？佢又竟然話，呢個係菜肉呀先生。我地見佢既然咁confirm，都怕大家誤會左，就繼續食⋯⋯但最後還是頂唔順，真係同之前係到食同另外上海食既完全唔同味，男朋友忍唔住話想叫多碟菜肉抄手⋯侍應來取走我地份抄手話自己其實唔係好清楚入去問廚師，最後結果係，廚師都話係菜肉⋯⋯⋯⋯⋯比返碟抄手我地，入面少左一舊最後，佢又送多碟

金牌小籠包食過好多次，食評就第一次寫佢。食dinner 其實都幾多人，但朋友仔話想食, 好啦陪下佢啦。原來呢間都唔錯架，比起其他幾間金牌小籠包好食。我地2個女仔唔係太餓，只係叫左雞絲粉皮、小籠包同生煎包。雞絲粉皮，麻醬雞絲粉皮比例剛剛好，呢味前菜都好難唔好食既。小籠包，都算唔錯---佢皮薄、夾起又唔穿，而味道都幾好，點埋昔好prefect。生煎包就非常好食，佢個底煎都金黃色，入口脆卜卜， 咬落去仲有d肉汁係入面，肉非常鮮嫩，比十個like!!

金牌小籠包食過好多次，食評就第一次寫佢。食dinner 其實都幾多人，但朋友仔話想食, 好啦陪下佢啦。原來呢間都唔錯架，比起其他幾間金牌小籠包好食。我地2個女仔唔係太餓，只係叫左雞絲粉皮、小籠包同生煎包。雞絲粉皮，麻醬雞絲粉皮比例剛剛好，呢味前菜都好難唔好食既。小籠包，都算唔錯---佢皮薄、夾起又唔穿，而味道都幾好，點埋昔好prefect。生煎包就非常好食，佢個底煎都金黃色，入口脆卜卜， 咬落去仲有d肉汁係入面，肉非常鮮嫩，比十個like!!By 細孖

以前多數門口都有一大堆人等位，但近年也很少見這情況，近幾次去也不需要等位可以直入，可能附近開了很多新食店… 那麼多的選擇，實在太大競爭了…不進則退！星期五晚飯很難找吃，難得有處不用等位，不如直入！先點必選的 金牌小籠包，排骨湯麵，赤豆鬆糕 今次加了邪惡的小吃滷大腸 外表看來不算得皮薄餡靚，但肉汁豐富，咬一口已像湯包的流出來，味道不會過鹹，尚算ok 排骨湯麵，麵質爽口不會太淋， 排骨炸得剛剛好，外皮脆口新鮮， 排骨也不會很乾身！ 吃滷大腸最擔心是很多肥膏…:此小吃有些驚喜，比想像中的瘦，而且清理得很乾淨，鹵水汁味道剛剛好，不會太鹹！追加了蝦肉雲吞 但賣相完全唔掂，雲吞皮也爛了… 似翻滾了很多次 而且也不太新鮮！剛盛出來未吃的雲吞外貌… 最後…甜品叫起，剛剛蒸好… 送上熱辣辣的赤豆鬆糕 但吃一口感覺比以前遜色了很多，口感有些…？？不知怎形容好？ 咬多兩口糕像是實實的，而且很乾哽咽的感覺… 整體來說，食物水準比以前差了，難怪再沒有以前滿座等位的情況出現…

期待已久的電影終於上映，買了戲飛，與3友人在同座商場找食店解決...一致同意吃上海菜，等了5分鐘就可入座...3友人像餓狼1樣，瘋狂點菜..等了10分鐘，開始上碟*九王鍋貼，香脆多汁，但餡味偏淡，醃久1點便佳*蒜茸油麥菜，菜為鮮嫩，可是太過多油，不太健康*台式擔擔面，不夠熱，湯底偏淡，辣度不足，面則偏軟*紅油炒手，個人認為味道可以，但烹煮略略過時，有2只1夾皮已穿*醉雞，酒味香濃，足料，用碗裝上雞件，使每件雞件都能沾上濃濃的酒香；但雞的肉質較乾較粗糙，略略減分。*蒜泥白肉，十分出色，蒜經炒香再加以調味，放上豚片上，怕胖的我也吃不停口*點了招牌小籠包及蟹粉小籠包。個人覺得蟹粉小籠包比較好吃，蟹粉鮮味何其突出，配上鮮肉薄皮蒸制，且用了布墊在包下，使蒸氣對流得更佳，好吃*生煎包，賣相十足，春卷皮墊底，唯肉汁比想像中少且味道偏淡...