Bougel Cafe (Moved) New Location

今日同同學周圍去，喺屯門市廣場買咗啲麵包，朋友話我知呢度都有間新開嘅Cafe，有麵包可以買。所以就同佢一齊行咗過嚟華都商場，落去最底，對住馬路。門口白雪雪，細細間，坐滿晒人，好彩我唔係過嚟堂食，如果唔係都唔知要等幾耐。見到佢哋嘅麵包都幾靚，不過價錢都幾貴，今次買一個試吓先，因為啱啱食到好飽，所以當零食試吓。芋泥奶皇包，Size唔算太大，同平時嘅雞尾包差唔多大細，好鬆軟，唔會太甜，餡料真係唔算太多，只係中間一條芋頭，不過都算足夠。如果呢個份量，賣$24 ，真係略嫌少少貴。個人認為佢只係值得$15。