POP vegan (Closed)

今次諗住食素食，見到蘇豪區呢邊有間素食店，睇落唔錯，試試佢！一早book定台，lunch hour都係唔駛等可以直入，間餐廳幾大，夠寬敞，唔會話令枱都好靠近，坐得都舒適。 但坐低冇耐就會催你落單，有少少趕咁。今次set lunch叫左個Pizza，跟左個湯，個湯好特別，有啲薑味，飲落好似好creamy既蕃薯糖水咁，又幾創新。然後應該係因為即叫即整，都要等一般時間around 20分鐘咁上下，個pizza好足火箭菜，但啲蕃茄料就唔太痴餅底，拎起好易跌哂啲餸。不過可能係即叫即整既關係，個餅皮都好脆身，overall覺得個pizza都正路既，冇話好impressive，但都唔會差得去邊。湯/salad+ main+ drinks 埋單around $200位，整體黎講唔算抵食既。另外，因為個廚房係用大玻璃設計，坐出面係可以望到個廚房入面既野，希望整野食會戴返個口罩啦🥲畢竟都仲係疫情期間。