十二味 (如心廣場二期)

Open Now

Now Closed

唉 本身諗住見佢新開張而且度度有分店實冇死 點知瀨晒嘢 新開張都咁 D客點回頭..當晚我哋只帶咗三樣餸霸王辣子雞：D雞好明顯一早炸定擺喺度晾都乾晒凍哂硬哂，跟著D客要幾辣就落幾多唔辣既幹辣椒落鑊兜一兜跟住就上碟，D雞一D都唔入味一D都唔辣又乾又硬又聖，0分。人見人愛酸菜魚：D魚同個湯底都唔錯，不過個湯可以再濃多少少，40分。大盤花菜：XXXX 我自己炒都好味過佢lol 我本人就食過好幾間川菜同湘菜，佢哋間間都係用豬油炒亦都炒到嗰陣應該有嘅香味，而呢間D花菜好淡好油見到個底嗰度有好多油同埋都見到啲豬肉片但係冇嗰陣大盤花菜應該有嘅香味，失敗。總括 - 你哋啲廚師需要加把勁，認真小小。