家賀屋

想食日本嘢，有壽司、小食、串燒、卷物等等，好多時我都會諗起銅鑼灣呢一間家賀屋，除咗位置方便，亦都係好多款式可以揀，同朋友去食就啱晒🔸海膽龍珠卷 $138個人推介👍🏻卷物有新鮮魚腩蓉、海膽同醬油淺漬，加埋大大嚿日本蛋黃，食落有濃郁蛋香，質感好Creamy，魚腩蓉同海膽都好鮮甜，配埋金箔點綴賣相好靚🔸鹽燒仙台熟成牛舌芯 $118牛舌芯燒得啱啱好，外皮有少少焦香，帶點粉嫩色，咬落好有彈性，但係好夠腍身🔸香箱蟹 $168香箱蟹來自日本，有好濃郁嘅蟹膏，蟹肉夠晒鮮甜，另外仲配咗滿滿嘅蟹子，成個口都充滿蟹味🔸北海道平目薄造刺身 $178非常考刺身師傅刀工，每一塊刺身都可以切到咁薄，另外俾埋一個刺身醬油，配咗個醬油就係個精髓，帶出平目嘅鮮甜味🔸特選刺身盛-時令鮮魚附中本鮪魚腩 $278特選刺身盛有赤海蝦、中本鮪魚腩、油甘魚等，全部刺身都非常新鮮，刺身款式多達六種，基本食開刺身嘅朋友依幾款都一定啱食🔸吉列廣島蠔 $68吉列廣島蠔有四件，四件size唔細，外皮炸得金黃酥脆，蠔味亦都好出🔸炸軟殼蟹 $75份量就係兩隻軟殼蟹切半，total就有四件，軟殼蟹炸粉唔算厚，炸得好脆口，軟殼蟹嘅蟹膏都有好多，鍾意食