喜粵私房菜

Open Now

Now Closed

今晚6位朋友約好一齊為其中2位慶祝生日，揀選喜粤私房菜，因為有其他朋友幫襯過而推介。人齊後就開始上菜，首先有清酒凍南非鮮鮑魚，鮑魚夠淋，而蘿蔔亦好入味，好味！精美3小碟鎮江小排骨避風塘茄子金沙鮮淮山茄子及淮山都出色。黑蒜螺頭燉雞湯，首先個湯好滾，而且亦好好飲，從職員得知前後燉6小時。松露醬明蝦球，大隻虎蝦，而且蝦肉好爽，推介！蔥油淋海斑，廚房已經起骨並切片，魚肉新鮮嫩滑，功夫菜式！陳年花雕蒸蟹伴烏冬，蟹肉滲滿花雕酒香，烏冬撈汁一流。小黃米浸菜苗，莧菜質素及味道OK, 不過以私房菜來講，菜式太過簡單普通。脆皮芝麻雞，首先略為未夠熟，另外感覺太多芝麻。對比其他菜式較為差啲。特色甜品，有好幾款甜品選擇，除芒果布丁太酸外，其他都OK。整體來講，大部分菜式都算特別，菜苗及芝麻雞就有進步空間。服務方面，點解唔安排同客人介紹每道菜的特點？環境方面，坐得舒服。