快樂．順景

Open Now

Now Closed

每年都會去一去文武廟求個安心，求完安心順便附近搵食。今次就簡單食個快靚正餐。銅鑼灣已經聽過佢個名，茶記格局，上環店好新淨，門口櫥窗仲有出爐麵包。蔥油香茅豬扒煎太陽蛋飯 睇圖已經比呢個飯吸引到，上枱亦沒有照騙。主角豬扒並非大而無當，夠鬆又有油香，有埋太陽蛋汁加蔥油，好邪惡。常餐同樣有大大塊豬扒配公仔麵，豬扒一樣高質，食公仔麵記得加辣椒油，絕對係彩蛋。跟餐仲有菠蘿油，火腿同炒蛋，菠蘿油大大個夾住厚厚既牛油，特濃4.3牛乳炒蛋口感嫩滑，最後加杯奶茶紅豆冰，豐富之選。快樂忌廉筒估唔到會有呢舊懷舊忌廉筒。香脆酥皮包住幼滑忌廉，一鹹一甜，令人再三回味。