Video
Read full review
2021-10-09
11127 views
今次揀左去香港文華東方酒店Staycation，係酒店網站直接預訂，包客房1晚，雙人早餐同雙人Cafe Causette晚餐，周五入住，總數大概$2500。雙人早餐可以揀去快船廊食自助早餐，或者Cafe Causette食套餐。當然要揀快船廊啦。呢度早餐無限時間，一齊睇下有咩食啦！快船廊呈L型，食物區要經過好多座位先入到去。首先見到係中式食品，分別有生炒牛肉飯，炒雜菜。炒雜菜有四季豆，西蘭花同椰菜花。四季豆質素唔錯，而西蘭花同椰菜花就過鹹。中式食品當然有點心，種類繁多，有素菜餃，花卷，奶黃包，叉燒包，雞肉餃，牛肉燒賣，蝦餃，豬肉燒賣。蝦餃既蝦肉餡新鮮爽脆，不過餃皮較厚豬肉燒賣既餡都唔錯素菜餃既餡味道都唔錯，餃皮都係較厚以自助餐黎講，點心質素算唔錯。點心隔離有白粥，雞肉粥，同中式油條。自助餐區中間有穀物同奶。穀物有5款，包括葡萄麥維，原味香脆麥米片，玉米片，卜卜米，果仁水果纖殼脆。奶類多到嚇死人，有全脂牛奶，脱脂牛奶，豆奶，連杏仁奶同燕麥奶都有。杏仁奶味道唔濃，燕麥奶好飲！隔離有什錦果麥，原味乳酪，低脂乳酪，要自己筆，種類偏少。上面有罌粟籽，菠蘿蜜餞，芒果乾，桃蜜餞，南瓜籽，西梅蜜餞比你
雙人早餐可以揀去快船廊食自助早餐，或者Cafe Causette食套餐。當然要揀快船廊啦。
呢度早餐無限時間，一齊睇下有咩食啦！
快船廊呈L型，食物區要經過好多座位先入到去。
首先見到係中式食品，分別有生炒牛肉飯，炒雜菜。
炒雜菜有四季豆，西蘭花同椰菜花。四季豆質素唔錯，而西蘭花同椰菜花就過鹹。
點心
98 views
0 likes
0 comments
中式食品當然有點心，種類繁多，有素菜餃，花卷，奶黃包，叉燒包，雞肉餃，牛肉燒賣，蝦餃，豬肉燒賣。
豬肉燒賣，蝦餃
98 views
1 likes
0 comments
蝦餃既蝦肉餡新鮮爽脆，不過餃皮較厚
豬肉燒賣既餡都唔錯
素菜餃既餡味道都唔錯，餃皮都係較厚
以自助餐黎講，點心質素算唔錯。
點心隔離有白粥，雞肉粥，同中式油條。
自助餐區中間有穀物同奶。穀物有5款，包括葡萄麥維，原味香脆麥米片，玉米片，卜卜米，果仁水果纖殼脆。奶類多到嚇死人，有全脂牛奶，脱脂牛奶，豆奶，連杏仁奶同燕麥奶都有。杏仁奶味道唔濃，燕麥奶好飲！
隔離有什錦果麥，原味乳酪，低脂乳酪，要自己筆，種類偏少。上面有罌粟籽，菠蘿蜜餞，芒果乾，桃蜜餞，南瓜籽，西梅蜜餞比你加落乳酪度。南瓜籽頗新鮮。
水果
56 views
0 likes
0 comments
對面就係水果，水果有菠蘿，木瓜，蜜瓜，西瓜，同鮮雜果沙律（偶然有藍莓同士多啤梨係入面，不過得少量）。最正係有熟透既香甜木瓜，少見！
芝士有3款，分別係Saint Albray，Brie同Emmental。Saint Albray同Brie都好味。
洋蔥豬肉煎包，薑蔥蒸盲鰽魚
45 views
1 likes
0 comments
隔離就係另一個熱食區，主要係西式熱食。中式熱食有洋蔥豬肉煎包，薑蔥蒸盲鰽魚。
炒蘑菇，薑蔥蒸盲鰽魚，肉餅，烤番茄
41 views
0 likes
0 comments
自助早餐居然有薑蔥蒸盲鰽魚簡直令人相當驚喜，而質素好唔錯，啖啖肉又無骨頭，我不斷encore，餐廳都不斷補充！
西式熱食有日式牛肉薯餅，炸春卷，香脆煙肉，加拿大煙肉，伴茄汁同甜辣椒醬。另外都有烤番茄，炒蘑菇，西班牙辣肉腸，文華腸。
日式牛肉薯餅係凍既
烤番茄多汁，炒蘑菇正常
西班牙辣肉腸同文華腸就麻麻
隔離有師傅即製奄列，配料有芝士，燈籠椒，菇，洋蔥，火腿，番茄。我要求整得無需太熟，師傅又真係整得有蛋汁，不過落得唔夠芝士。都可以要求煎蛋，亦有烚蛋。
即製奄列隔離有即製粉麵，包括幼麵，油麵，米粉。配料有雲吞，餃子，牛丸，魚蛋，牛腩，芥蘭，生菜。
粉麵
35 views
0 likes
0 comments
粉麵
41 views
0 likes
0 comments
雲吞真係頂呱呱，皮薄餡正，蝦肉爽口新鮮，必食！
雲吞，牛丸
44 views
0 likes
0 comments
雲吞麵既幼麵都整得非常彈牙，而芥蘭都好翠綠鮮甜。
雲吞麵
31 views
0 likes
0 comments
即製粉麵隔離有我從未見過既Meatloaf肉餅，原來係好似午餐肉既肉，都唔錯。
隔離既角落就係麥片，大大既counter得1款麥片，何其孤獨。
另外一邊就有多款果汁，包括芒果汁，士多啤梨汁，西柚汁，橙汁，番石榴汁，西瓜汁。
果汁
17 views
0 likes
0 comments
好少有自助早餐有多款果汁揀，連士多啤梨汁同芒果汁都有，而味道仲要係好好飲，特別係士多啤梨汁！
果汁隔離係凍肉，有Coppa，Salami，煙吞拿魚，煙三文魚。煙三文魚同Coppa正常，煙吞拿魚少見而味道唔錯。
凍肉隔離又有大大支鮮奶，Still Water，Sparkling Water，同脱脂奶。點解又要放奶呢？第二度已經有。
最角落就係沙律吧，沙律菜有3款，沙律醬有4款，配料有粟米粒，青瓜片，車厘茄，醃青瓜，鷹嘴豆。選擇就唔算多，質素正常。
麵包糕點
29 views
0 likes
0 comments
最後就係麵包糕點。麵包糕點包括班戟，窩夫，法式西多士，士多啤梨果醬甜甜圈，甜甜圈，迷你鬆餅，牛角包，法包，軟包，各款酥餅。伴有花生醬，果醬，楓糖漿，糖霜。
本身對文華出品既麵包糕點都有期望，點知最出名既士多啤梨果醬甜甜圈居然都好麻麻地，雖然入面既士多啤梨果醬多到瀉，可惜個包平平無奇，而且完全凍左，同我之前食差好遠。普通甜甜圈就更加普通。花生醬窩夫都係凍既，不過都食得落口，厚身不過都有少少脆口。
凍朱古力
20 views
0 likes
0 comments
餐飲居然包凍朱古力，叫左兩杯要脱脂奶。凍朱古力好飲兼邪惡，本身已經飽，飲完更加飽！
老實講，野食款式唔算多，不過某幾個驚喜位令人都感到滿意，個人特別鍾意呢度有平日自助早餐好少見嘅薑蔥蒸盲鰽魚，而且雲吞質素好高，果汁選擇多又好飲，仲有木瓜同燕麥奶。不過下次會難d有興趣再encore。
環境唔錯，踏入10月份，裝飾已經換哂Halloween嘅南瓜裝飾。雖然枱與枱之間比較迫，不過我哋張枱靠窗睇到風景又有屏風隔住，感覺都尚算有私穩度。8點前入座唔洗等位，走嗰陣時差唔多10點仲有幾個人等緊位。服務員雖然忙碌，不過態度係五星酒店水準。
Post
