玲瓏小鎮

Open Now

Now Closed

前兩日搭巴士經過見到新開咗新食店，諗住身邊嗰位唔洗加班去試吓新嘢啦，太子附近都無咩台灣食店嘅。一開門入去樓面得一個高嘅男侍應，佢無安排我哋入座，叫我哋自己搵位座。餐廳入面嘅佈置行文青路線，樓底好高，坐位都好闊落好舒適。落咗單上菜時間會慢啲，都等咗一陣，如果加單係要等超過15分鐘嘅，建議叫嘢食落單就一次過啦！我哋叫咗4樣嘢食，跟餐兩杯飲品。土匪肥牛飯(辣），洋蔥好惹味，身邊嗰位話洋蔥好食過牛肉，合格嘅，但佢話食完好滯。。麻醬乾拌麵，其實呢我本身叫蔥油乾拌麵嘅，但都整咗，廢事浪費食物叫人再整過呢，麵好大碗，唔會太乾哽嘅。超司肉鬆蛋餅，入口有淡淡嘅肉鬆香，蛋餅入面有起司生菜上面有沙律醬，可惜無咩肉鬆，如果女仔鍾意清清哋可以一試，重口味人士會覺得有啲寡。因為食得有啲滯，後加咗一碟涼拌茄子。諗住涼拌會係冷盤點知係熱嘅，仲要好好好油麗，好似食咗好多啖油入口咁，食咗半碟唯有放棄。。。飲品就正正常常無咩特別，凍冬瓜茶跟餐加$5，玫瑰珍珠奶茶加$10試咗4款嘢食，但只屬於平平，啱啱新開希望有待改進啦，但地方係好坐嘅！