玲瓏小鎮

Open Now

Now Closed

星期六瞓得晏，下午4點先食lunch，行行下見呢間鋪，裝修都乾淨大間，價錢又唔貴，本著唔想排隊食cafe的諗法，就入左黎。入面係一個客都冇，本身都驚又中伏，不過入都入左，價錢又唔貴就諗下俾次機會佢。坐低剔左醉酒雞麵同炸芝士雞扒肉燥麵，同兩杯野飲。可能係得我地一枱客，5分鐘左右都上晒菜。意外幾好食，一個蔥油麵，一個肉燥麵，都係好好食。食炸芝士雞扒要小心，因為一啖咬落去入面係好熱好熱，芝士會多到流晒出黎。唔飲得嘅就要小心食醉雞，因為食多兩舊應該會醉，可見醉雞都係好足料煮。杯野都係好好飲，Oreo朱古力加珍珠都係17，真係抵過晒出面間間奶茶鋪。依加出面太多鋪頭執笠，佢地冇乜客，都驚下個到佢地。希望佢地唔好咁快執，下次行過都想再黎食。見好多負評都係針對姨姨態度，但係今次我又冇咩唔好嘅體驗，我覺得都係用心經營嘅小店，其實都值得俾多一次機會。

原本都諗住食簡單清一d，點知餃子店要排隊，之後遇上呢間小店。店舖裝修簡約但有心思，人不多，所以坐得舒服。食物有驚喜！芝士雞扒：粉簿脆身而不膩番茄咖哩肉醬飯：有特色肉燥時菜：好多肉燥！飲品有特色樓面嬸嬸好細心，見我地放到成枱都係食物，主動幫我地攞走餐具筒添！（但嬸嬸唔識收錢，每次收錢都要叫廚房埋數，所以如果人多可能會有啲揦手唔成勢🤪）值得推介小店👍🏻👍🏻

這家小店的食物讓人食過之後返味無窮。無論是椒麻雞蔥油伴麵還是牛肉米粉，都展現出了小店高水準的烹飪技藝和用心。椒麻雞蔥油伴麵絕對是一道讓人驚喜的美食，不僅雞肉份量夠，而且口感中帶有微微的麻辣風味，恰到好處，絕對不會過於辣。這碗乾拌麵充滿了台灣的風味！牛肉米粉配上濃郁的牛骨湯，牛肉肉質夠嫩滑多汁，絕不會咬不開，而米粉的軟硬度恰到好處，讓人愛不釋口。最後，甜不辣的口感也是這家小店的一大特色。這款甜不辣彈牙有勁，不但入口香甜，而且不會過於油膩，讓人忍不住一口接一口，讓人彷彿置身於台灣的街頭小吃攤前。總之，不管是椒麻雞蔥油伴麵、牛肉米粉還是甜不辣，都是讓人食過返尋味！

去附近做嘢，見到呢間餐廳近近地，評分好似有啲差，不過都試吓喇😆叫咗個紅燒牛肉新竹米粉，加一碟茄子，再外買咗個炸雞扒滷肉飯同冬瓜茶走，唔使等好耐好快就有，食落係正正常常，牛肉好林，得兩舊，第三舊係牛腱，反而新竹米粉唔係好滑個種，個湯都好飲，其實整體係OK👍🏻男友個雞扒飯正常嘢，呢個價錢其實真係唔錯，茄子都好味，佢應該走過油，再加啲蒜蓉20幾蚊其實好好，唔明點解評分咁差，所以想幫佢平反下😂另外鋪頭姨姨好親切，同客人有傾有講，服務都好好，好有笑容同好有禮貌👍🏻讚

其實之前已經食過呢間嘅堂食，但冇影低mark低🫠個人認為呢度既台式野不過不失，但種類都真係算多元化，又有比較健康既option, 所以如果想食台式野但又唔想食太甜太油既野，呢度都係個可以考慮既地方。講吓今次呢個台式排骨湯麵餐。台式既排骨即係炸豬排，今次叫左新竹米粉，雖然佢唔太正宗但出奇地好食好滑口，同佢default既大骨湯底好夾。排骨唔會炸到太乾太柴，味道可以的。我比較鐘意佢既特飲（冇錯，佢+$4.8得凍抹茶奶果d，呢個蜜桃菠蘿特飲係外賣平台aPp冇得加架，extra買+$9.6），堂食好似有得加呢。

工作關係，今日又去深水埗附近搵食，其實之前都食過呢間餐廳，今日帶同事再食，因為實在太想食佢嘅麻椒雞麵😆 我見好多comment都話佢唔好食，可能真係每個人口味唔同，我自己就食過返尋味😋今日我哋就叫咗紅燒牛肉麵、麻椒雞麵、柚子雞麵、蔥油乾拌麵、魚酥皮蛋豆腐，同埋椰香咖啡。由於我太肚餓，竟然冇影到最鍾意最推介嘅麻椒雞面😅佢嘅牛肉麵湯底唔錯，牛肉又唔「un」。蔥油麵好香口。柚子雞雖然唔係好食到柚子味，但酸酸甜甜都好好食。皮蛋豆腐嘅豆腐超滑，加埋皮蛋好開胃。可能我自己鍾意食麻椒，所以覺得麻椒雞麵呢個配搭真係好好食🤤🤤🤤

希望今次只係點左伏嘢 格調咁好自然想再黎坐下！放工夜晚8點半一個人入座見到餐點選擇幾多！芝士炸雞扒番茄咖哩飯，呢個配搭看似唔錯跟餐配珍珠奶茶 $67到左個陣，第一眼眼見炸雞扒唔係原塊炸雞扒，係加工肉類/合成肉 芝士略可以拉絲番茄咖哩有小小香料味，可以部分拯救左餐點飯算穩陣，唔軟珍珠奶茶 第一口飲到唔係茶 係好重奶粉/奶精味好似細個錫箔紙裝pak出黎食個啲牛奶糖嘅味道 珍珠口感比一般彈牙，個人覺得唔太夾奶茶地希望之後經過可以試鹽酥雞/豬扒湯麵

八時多街上人流已不多, 經過這間曾經經過的台灣小店, 簡約的文青風氣, 有不少滕和木製的裝飾品, 環境都很舒適, 價錢也不貴, 所以就試一試 😆 炸豬扒蕃茄咖喱肉醬飯 $53一上碟炸豬扒香味已自然湧入我的鼻, 豬扒炸得十分香脆, 甚至有點炸得過火 😅 一吃倒也香口, 但感覺自己像在茶餐廳吃的吉列豬扒 🙃 本身點這個就是想試蕃茄咖喱的效果, 肉醬內有少量蕃茄肉, 不過這個絕對不是咖喱 🫠 它有微微辣味, 最多只是辣味蕃茄肉醬 😐另外肉醬是普通豬肉, 並非台式肉燥。椰子烏龍茶一入口會有輕微椰子味, 大約幾秒後就會消失, 如果椰子味再重一點會更好。晚上只有伶仃幾個人, 清靜環境再配文青裝潢, 感覺舒暢。雖然價錢不貴, 不能要求太多, 但至少食物跟名字吻合 🥹

堂食外賣都食過幾次，食物質素都算過得去，但今次食完真係好失望。都怪自己手賤，在台灣餐廳食日式食品，叫左個日式三文魚炒飯⋯⋯碟飯一上枱就知出事，碟飯炒到啡啡黑黑，再加左沙律醬，完全睇吾出入面有咩食材，但少少粉紅色既三文魚碎都見吾到，摷開個飯完全見吾到三文魚咁濟，圖中右面是好努力搵左一陣先搵到既三文魚碎，真係超級失望。強烈建議日式三文魚炒飯改名為日式炒飯，以免客人期望過高。另外今日既員工服務很不客氣，因飲品長時間未到而詢問，員工只回答一句沖緊，並沒有跟進，另外問有沒有紙巾提供，竟然指住出餐位置上既一包紙巾，連回答都沒有，竟示意客人自取，明明當時既佢是沒有任何工作跟進中，與我們枱既距離也不遠，這個感覺相當不客氣禮貌。

嗌咗份鴨血粉絲,佢啲鴨血又皺皮又硬！第一次見煮鴨血煮到咁。個麻辣湯係冇味嘅，仲要收54蚊都真係誇張。杯椰香咖啡係三合一，成杯嘢都係奶精味。佢個酸辣湯係番茄湯加辣，有甜味。一定唔會再嚟，大家見字即走。

🍼 玲瓏小鎮 🍼一間開咗接近一年每一個月至少食兩次由佢冇人幫襯佢到而家我前後左右上面都係中學生我願稱之為中學雞臺灣野/抹茶奶🍵🍼($5)因乜解究一間食麵嘅鋪頭第一樣要講嘅係佢嘅抹茶呢？好飲lo廢話熱奶都係好飲到爆炸/鹽酥雞拌麵🐔🍜($50)個麵略嫌佢唔夠鹹但係個雞又有少少太過鹹所以原則上係啱啱好嘅順帶一提雞係一粒粒波波/臺式滷豆腐🥢($13)臺灣味道嘅滷水其實幾大份夠做埋嚟/味道：3.5/5CP值：3.5/5外貌：4/5結：下次都係乖乖地食手撕雞拌麵走茜

平日放假想食台灣野，記得早幾日路過呢度見到門口有牌寫下午茶由HK$38起，所以行過嚟食下午茶餐。下午茶餐牌紙上分ABC：．A — 揀1款麵食．B — 揀3款小食．C — 揀1款飲品都幾多選擇㗎！小碗家鄉滷肉飯．一點都唔小，比一般飯碗多一啲㗎．滷肉比較肥，因為7分肥3分瘦，不過好入味．滷汁味道幾好，配飯好正*3款小食．甘梅脆薯，炸得脆口，酸酸甜甜幾好味．滷水豆腐，一舊，入晒味，幾好．黃金雞翼，2件單骨雞翼，味道不錯，只係脆皮好厚粉*熱茉香奶茶．飲到茉莉茶味，比較重奶，但不會好甜，似少甜嘅甜度，啱我*埋單HK$38，無加一服務費，幾抵食呀！

喺太子行下行下搵嘢食， 有人介紹食醉雞。門面有簡潔木系嘅裝修， 很有台灣的味道。我叫做一個醉雞乾拌麵， 朋友叫了一個柚子雞伴麵。一整碗的雞都差不多有七八件雞件， 醉雞的酒味很入味， 抽子雞的味酸而不膩。58蚊的價錢， 我覺得算是超值👍

由於係附近返工嘅原因，試過玲瓏好多次，本身覺得平平無奇，有時貪佢哋個下午茶平，自從試完個牛肉麵之後，我嚟親都嗌牛肉麵，見到𝑂𝑝𝑒𝑛𝑟𝑖𝑐𝑒咁多差評我都嚇咗一跳，大家可以俾個機會佢，試吓個牛肉麵 ✦ 紅燒牛肉新竹米粉 $𝟼𝟸今次試咗酸辣湯底，要額外加$𝟹個酸味唔突出，但個湯底夠濃郁，味道幾夾入面有𝟸舊牛肉同𝟷塊牛𦟌，仲有𝟸棵小棠菜牛肉同牛𦟌都好腍，冇牙都食到 推介指數：❤️❤️❤️❤️🤍 -✦ 百香果檸檬綠茶得少少百香果味，唔甜，好淡 推介指數：❤️🤍🤍🤍🤍 - 其實個用餐環境算幾舒服，座位又多特別係晏晝嚟，有啲陽光射入鋪頭都幾𝐶ℎ𝑖𝑙𝑙環境一啲都唔嘈，可以靜靜地咁食野唯一缺點係某啲位嘅冷氣會吹正頭頂下午茶幾抵，$𝟹𝟼有個麵或飯，不過就冇牛肉麵揀再揀𝟹款小食，雖然每款小食得1件細細份但送埋熱飲都算係咁

今日在路邊岩岩路過過來試下新野，見裝修還好簡簡乾淨就入左黎，睇左一陣餐牌 正正中午午飯時間都無咩人 都覺得有啲中伏啦開始點餐時 都覺得唔太舒服 因為個服務員眼神好似差佢幾十萬未還咁 十問九唔應如果評分就係負分！叫左個牛肉面 飲玫瑰珍珠奶茶 ，加埋都80十幾一啲都唔平上台就知後悔 都唔知俾左啲咩我食 個面太淋好似浸左好耐咁 真係勁難食🤬下次真係認真考慮免得又中伏了希望服務員可以改善下態度 以免我地又受氣了🙏🙏🙏🙏