不籽是咖啡 (文豪閣)

Open Now

Now Closed

昨日嚟到位於油麻地嘅 "不籽是咖啡"，離遠已經被餐廳門口吸引住，因為有個幾靚嘅打卡位，可以扮下文青影下相~進入餐廳已經感到文青風格，簡約木系設計，樓底都幾高，空間感足。坐近窗邊一路食一路傾計，好寫意！嚟睇吓餐牌先，嘢食同飲品種類都好多，分別有烏冬、意粉、全日早餐、牛角酥窩夫、沙律、小食、甜品、特色飲品等，款款都吸引。手打牛肉漢堡扒蒜蓉意粉配黑松露蘑菇汁     $128漢堡扒煎至外脆內嫩，肉質彈性有咬口，每啖都有滿滿嘅油脂香和濃郁肉味，蒜蓉意粉份量多，爽滑及好掛汁，帶出黑松露獨有香味，醬汁夾，層次感提升。煙三文魚忌廉扁意粉     $98依款好好食，意粉有咬口，而且有濃濃嘅忌廉汁，條條意粉都掛醬汁，帶鹹香嘅煙三文魚，意粉口感爽滑，全碟好creamy。柑橘汁野菜沙律     午餐揀主食可免費配小食。沙律翠綠新鮮，入口爽脆，柑橘汁清甜，越食越開胃，好fresh。雞軟骨餃子另一款小食嘅雞軟骨餃子。外皮煎至金黃，非常香脆，餡料都幾多，食落爽口，沾上自家製醬汁，好惹味嘅小食。葡萄柚高山茶      $48顏色已經好靚啦！飲嘅時候會食到啲葡萄柚粒，飲落去唔會過甜，幾解渴，茶味慢慢散發出嚟。柚子蜜梳