山系。本舍

Open Now

Now Closed

太子界限街呢頭原來都好多好嘢食㗎，今日經開呢間餐廳叫山系。本舍，感覺個名好特別，好有文青feel，但又好有日本嘅感覺。 呢間餐廳細細間，全部座位都以吧檯形式，感覺好似日本居酒屋咁。 呢度嘅食物都以小食、串燒為主，師傅會因應客人食完一碟先再上另一碟，保證新鮮熱辣辣。師傅又會同客人傾下偈，感覺好親切，呢個就係我鍾意幫襯小店嘅其中一個原因。 山系燒雞皮：好值得推介，雞皮串起嚟好有彈性又帶點脆度，非常好味。 魷魚軟骨沙律🥗：好少有呢個配搭，感覺好特別，沙律菜好新鮮爽口，魷魚鮮甜，煙韌有嚼勁。 黑松露醬配炸薯條🍟：薯條炸得好香好脆，而且份量都幾多，點埋我最鍾意食嘅黑松露醬食就無得頂。 海膽流心忌廉餅：鍾意食海膽嘅你一定唔可以放過呢個菜式，超級濃郁嘅海膽味 , 忌廉入口軟滑，外脆內軟嘅感覺，非常美味。 蟹籽豆腐沙律：食得多炸嘢，食番啲清清哋嘅嘢，啲菜好爽甜，豆腐嫩滑，加埋蟹籽更加有層次感。 和風高湯煮日本沙白蜆：沙白蜆新鮮肥美，而且無沙，高湯清甜，令沙白蜆更甜。 山系之茶🍵：平時去日本都係飲啲凍茶，呢度都有得飲。