走過十萬八千里找到你

Open Now

Now Closed

杏花新城開左間新西餐廳，咁近屋企就去左試下晚餐。雖然地方唔大，但坐得都舒服，每個座位都有軟軟cushion☺。環境幾靚，仲有香薰蠟燭，成件事好有情調。 🍴日式原條鰻魚意大利飯超大條鰻魚 大過手掌‼️經過油煎產生嘅香氣誘人🥰肉質軟嫩 甜甜嘅味道恰到好處意大利飯易入口 唔會硬菇菇都好香好加分😍 🍴帆立貝龍蝦汁貓耳朵貓耳朵原來咁正😳形狀特別 中間有凹位可以盛載住龍蝦汁 比起一般意粉更掛汁龍蝦味濃 每啖都好有鮮味帆立貝亦熟度剛好 🍴朱古力奶昔朱古力味濃厚 應該用上苦甜巧克力🍫帶有少少苦味 味道更有層次 🍴柚香菠蘿檸檬梳打賣相靚靚有層次底層係金黃色柚子醬 上層係透明梳打菠蘿柚子檸檬味相輔相成又唔會互搶感覺好match好fresh🤩 可以encore嘅一間餐廳，店員服務親切有禮，成個用餐過程都好滿意😊。