料理X空間

Open Now

Now Closed

最近留意到依間由米芝蓮三星大廚主理嘅新餐廳，主打泰國x馬拉x西餐的菜式。趁今日行完高登，就同朋友過來試一試。餐廳位置方便，深水埗站 D2 出口, 沿桂林街行4分鐘就到。老闆話門口亦可泊車，唔洗怕亂泊俾人抄牌！雖然餐廳唔算大，但搞一個party亦綽綽有餘，仲可以自準備酒水，唔收開瓶費。砵酒鴨肝醬野莓窩夫（⭐️⭐️⭐️⭐️⭐️）非常有特色嘅一道菜，窩夫新鮮焗起外脆内軟唔甜，中和了鴨肝嘅咸味及野莓醬嘅甜度，鴨肝唔腥仲好有油香味，襯托出野莓醬嘅鮮甜味，野莓醬好新鮮，食到點點果肉。骨膠原咸豬手（⭐️⭐️⭐️⭐️💢）骨膠原簡直就係流量密碼，一定要試，幫我地捱更抵夜嘅打工仔以形補形。平時食豬手都唔平，依度唔洗$100就食到，而且份量又多，4-5件大大件，皮嘅部位非常多，煙韌指數max！最欣賞係唔會添加太多調味，清淡得來將注意力放喺軟糯嘅口感上，部分部位骨感較重，進食時要小心。牛油果蝦酸薑米紙卷（3件）（⭐️⭐️⭐️⭐️⭐️）作爲健康大使嘅我地，依一味非常適合大家，米紙卷包左大量蔬菜絲，清甜嘅蔬菜加上大蝦嘅鮮甜味俾人好舒適放鬆嘅感覺，蔬菜絲切成均一的粗度，五顏六色確實好吸引，加上米紙煙煙韌韌，跟爽脆嘅蔬菜絲形成强烈對比。原個菠蘿