Video
Read full review
2020-03-19
397 views
呢日喺灣仔上完Training，呀媽打電話俾我叫我買啲嘢加餸😂，所以我就去斬啲料返屋企啦～。見到有塊大大嘅易拉架，行前啲就係間燒味舖喇。店員喺門口落力宣傳，我去到即刻被阿姐熱情招待😆。我要咗半斤金牌蜜汁叉燒($68)同上莊古井燒鵝($138)。不過叉燒啱啱賣哂要即燒，所以要等陣。等嘅時候認真睇下門口堆二拉架，除咗燒味外，當然唔少得燒味飯🍚，屬正常價格啦。另外，原來仲有唔少小菜同小炒賣🥘。餐廳堂食環境都OK，雖然出面係街市，但入面光光猛猛，仲有啲牆畫添🖼。燒味熱辣辣斬起，已經聞到好香，特別係叉燒🐷，半肥瘦切真係好正，而且仲有啲微燶，特別香。肉質好嫩，好多汁，送飯食正啊😋。我哋幾個直頭爭食添，咁好食應該買一斤先啱。而燒鵝🦢都唔錯，由於係上莊部份，所以比較多肉食，淋上燒鵝汁加點酸梅醬食，好搭配。總括嚟講，呢間燒味舖嘅蜜汁叉燒真係好正🤤，比起其他叉燒大王嘅一啲都唔輸蝕。我下次經開灣仔都一定會斬料、斬料、斬大舊叉燒🐷😋。
呢日喺灣仔上完Training，呀媽打電話俾我叫我買啲嘢加餸😂，所以我就去斬啲料返屋企啦～。見到有塊大大嘅易拉架，行前啲就係間燒味舖喇。
店員喺門口落力宣傳，我去到即刻被阿姐熱情招待😆。我要咗半斤金牌蜜汁叉燒($68)同上莊古井燒鵝($138)。不過叉燒啱啱賣哂要即燒，所以要等陣。
等嘅時候認真睇下門口堆二拉架，除咗燒味外，當然唔少得燒味飯🍚，屬正常價格啦。
另外，原來仲有唔少小菜同小炒賣🥘。
餐廳堂食環境都OK，雖然出面係街市，但入面光光猛猛，仲有啲牆畫添🖼。
金牌蜜汁叉燒
$68
18 views
0 likes
0 comments
金牌蜜汁叉燒
$68
20 views
1 likes
0 comments
燒味熱辣辣斬起，已經聞到好香，特別係叉燒🐷，半肥瘦切真係好正，而且仲有啲微燶，特別香。肉質好嫩，好多汁，送飯食正啊😋。我哋幾個直頭爭食添，咁好食應該買一斤先啱。
而燒鵝🦢都唔錯，由於係上莊部份，所以比較多肉食，淋上燒鵝汁加點酸梅醬食，好搭配。
總括嚟講，呢間燒味舖嘅蜜汁叉燒真係好正🤤，比起其他叉燒大王嘅一啲都唔輸蝕。我下次經開灣仔都一定會斬料、斬料、斬大舊叉燒🐷😋。
Post
