鹵家

Open Now

Now Closed

之前已經黎過斬料，買蜜汁叉燒王返屋企加餸，屋企人食到lamlam脷。今次有客人黎食飯，屋企人就提議 嗌個鹵水鵝拼盤來食。拼盤好豐富，份量夠多，而且砌到好有心機，返到屋企稍為用微波爐加熱打開已經食得。鹵水鵝比起鴨肉，肉質更細嫩，肥瘦適中，肉味濃。鹵水掌翼有驚喜，皮帶爽脆，肉質依然夠嫩。鹵水豬耳食落滿滿的骨膠原，夠入味又不會硬。鹵水大腸頭清潔得很乾淨，一點味道也沒有。而且大腸軟而不韌，油脂甘香。鹵水豆腐索滿鹵水汁，真係必食！其他還包括金錢肚，鹵水蛋和芽菜等。。。呢度的鹵水很有層次，味道鮮甜不死咸，全部食材都夠入味，基本上都不用再額外點醬料。屋企人同客人都表示很滿意。下次唸唔到食咩，又可以黎呢度斬料。