牛魔 (Closed)

鍾意食牛既同道中人，我地又黎食牛魔喇。上網已經見佢轉左新餐牌，午餐超超超超抵食，我地分別叫左 $48 & $138 餐！ 有沙律+湯+飯+飲品（每款套餐可揀3款醬料）套餐選擇都多有成13款，醬料都實有款啱大家，我就最喜愛檸檬鹽，簡直同牛絕配。份量100g我地有食早餐出發都可以，好薄片好快熟，要燒左油份多既牛五花先，一出血水就反，就無咁易黐底喇。牛板腱係必叫心水，牛味重，同飯一齊食特別有胃口。塊和牛西冷偏好放最後食，比較滑身香口，回味感十足。