天天海南雞飯 (ELEMENTS圓方)

Open Now

Now Closed

新加坡米芝蓮餐廳🥕正宗海南雞拼燒雞$299⭐️⭐️⭐️⭐️☆份量真係好大，正宗海南雞係用左文昌雞，會比較重雞味，勁肥美又嫩滑，不過就可能比起天天海南雞會多骨。燒雞既皮就燒到好香脆，燒到雞既油香出晒黎，好邪惡！醬料最正係薑蓉，因為真係好重薑既香又多又不會太油。🥕參巴辣椒炒通菜$89⭐️⭐️⭐️⭐️☆通菜炒到好香口，又夠爽口，味道剛好不會太辣，食到後期可能會有少少油膩感。🥕豆花年代奶茶$32⭐️⭐️⭐️⭐️⭐️好香奶茶味，夠晒多奶又重茶味，再飲到清甜既豆花，不會太甜，成件事好夾好正！🥕豆花恐龍美祿$32⭐️⭐️⭐️⭐️☆勁濃郁既恐龍美祿，完全真材實料呀～一開始會蓋晒豆花香，只會知道有豆花，後期就好d啦～但甘濃郁既恐龍美祿已經好正🤣🥕新加坡原味豆腐花$22⭐️⭐️⭐️⭐️⭐️好香豆漿豆奶既感覺，又不會太甜，食落非常嫩滑，入口即溶既感覺，真係好正，每次🐰黎食都係必叫！🥕斑斕椰汁奶凍$29⭐️⭐️⭐️☆☆好重斑斕味，不過🐰同朋友都認為斑斕醬太多了，真係甜到頂5順，所以默默地𢳂走晒，古就食到好香奶味，又散發少少斑斕味既感覺，口感非常creamy既感覺。店舖燈光偏暗，冷氣足夠，座位寬敞舒適，而且仲有包間，如果坐到窗口位有機會可以睇到日落哦！需加一服