天天海南雞飯 (Fashion Walk)

Open Now

Now Closed

天天海南雞系新加坡必食餐廳之一，之前去新加坡嘅時候太多人排隊而無食到，見香港有分店，所以黎試試。《天天海南雞》$189果然系招牌菜，雞肉好嫩滑，最有驚喜嘅系塊雞皮，系爽口唔油膩，而且點埋秘製辣椒醬，更加惹味。《雞油飯》（細鍋 ）$39，食海南雞當然要配雞油飯，細鍋雞油飯嘅份量都好多，有3-4碗飯，粒粒飯都有雞油香味，雞肉加雞油飯，好滿足！《古法肉骨茶》$159肉骨茶好足料，有豬骨、豬肚、豆卜、腐竹，份量多，而湯底就系淡淡嘅藥材味，好易入口。《新加坡原味豆腐花》$22個豆腐花好有驚喜，好滑而且不會太甜，啖啖嘅黃豆味，推介大家可以叫黎試試。《香水檸檬茶》$34估唔到天天海南雞都跟上潮流，野飲出埋香水檸檬茶，味道好唔錯，飲落去濃濃嘅香水檸檬味，非常之fresh。