天天海南雞飯 (Fashion Walk)

Open Now

Now Closed

有朋自國內來港旅遊，我盡地主之宜帶佢去銅鑼灣逛街購物，朋友喜歡食雞，我帶佢去食海南雞飯，天天海南雞飯️來自新加坡米芝連過江龍。被譽為新加坡最好味嘅海南雞。天天海南雞拼燒雞，正宗新加坡去骨海南雞雞味香濃，雞肉嫩滑淡淡肉，海南雞美味原因之一，在於雞肉上面淋了用雞汁煮成的秘製醬汁，吃一口雞肉，鮮香嫰滑，雞香味濃，醬料有酸辣汁、薑蓉，還有很濃稠的甜豉油，但其實雞肉已經很夠味，不用點任何醬汁都已經很好味。燒雞皮脆焦香夠惹味，肉質亦好鮮嫩，點些准鹽能令味道提升。古法肉骨茶，肉骨茶沒有傳統嘅濃烈藥材味，而係有陣陣胡椒嘅香氣，湯內大大舊排骨同配料都好入味，湯嘅味道亦係極為濃郁。雞油飯，雞飯用保溫能力極佳嘅石鍋盛載，功能係保持濕潤，飯身做到粒粒分明，呈淺黃色的油飯香氣十足，味道鮮香。