Video
Read full review
2020-11-17
571 views
雖則香港同新加坡就快建立旅遊氣泡，但問過旅遊業朋友，光係兩地來回各2次嘅檢測費都6K，再加3-4K機票，咩都未做都無咗成皮嘢！蹤然旅遊癮點發作都好，還是等正式通關先去較好（愛護荷包系列）～▲黃白主調，感覺舒適。▲Chatterbox Express嘅標誌雞頭，好可愛！無得飛，唯有繼續靠食止癮！講起新加坡美食，最近又比我搵到間好嘢，那就是新加坡過江龍Chatterbox嘅分支Chatterbox Express！Chatterbox Express開係太古城，位置有少少隔涉，主要走親民路線，唔似Chatterbox咁玩高檔。價錢平啲，質素卻無減，食完都幾令人滿足！▲就算唔飛新加坡，一樣可以享受地道滋味。Chatterbox Express除咗價錢平易近人，佢哋嘅菜餚都好貼近日常生活，基本上喺度食飯，有種似置身獅城般。好似早餐，呢度就有新加坡風粥品、午／晚餐就有新加坡肉骨茶麵線、炸豬扒乾撈麵、海鮮乾撈麵及新加坡肉醬撈米線配温泉蛋等等，就算你無去過新加坡，都可以從呢40多款菜餚中，感受兩地飲食文化大不同。至於味道，坦白說唔係100%正宗，畢竟過江龍，嚟到都要調整一下口味，迎合本地人，如似白
▲黃白主調，感覺舒適。
▲Chatterbox Express嘅標誌雞頭，好可愛！無得飛，唯有繼續靠食止癮！講起新加坡美食，最近又比我搵到間好嘢，那就是新加坡過江龍Chatterbox嘅分支Chatterbox Express！Chatterbox Express開係太古城，位置有少少隔涉，主要走親民路線，唔似Chatterbox咁玩高檔。價錢平啲，質素卻無減，食完都幾令人滿足！
▲就算唔飛新加坡，一樣可以享受地道滋味。Chatterbox Express除咗價錢平易近人，佢哋嘅菜餚都好貼近日常生活，基本上喺度食飯，有種似置身獅城般。好似早餐，呢度就有新加坡風粥品、午／晚餐就有新加坡肉骨茶麵線、炸豬扒乾撈麵、海鮮乾撈麵及新加坡肉醬撈米線配温泉蛋等等，就算你無去過新加坡，都可以從呢40多款菜餚中，感受兩地飲食文化大不同。
至於味道，坦白說唔係100%正宗，畢竟過江龍，嚟到都要調整一下口味，迎合本地人，如似白胡椒肉骨茶會無咁濃胡椒味；海南雞都要用黃崗雞，用唔到新加坡當地嘅文昌雞，雞肉嘅質感係有差異。
新加坡肉骨茶麵線（連飲品）
$108
24 views
0 likes
0 comments
▲被燉得棉滑嘅半顆蒜頭及豬骨，入口即化，口感治癒。✦ 新加坡肉骨茶麵線（連飲品）
香港實在難搵到令我滿意嘅新加坡肉骨茶，要麼不唔夠正宗，要麼太辣口，一味重口味。呢度嘅口味調節得剛剛好，白胡椒雖不及新加坡食到咁多，但湯頭辛口得嚟清甜，一字骨肥瘦適中，嫩而不膩，加上燉得棉滑嘅半顆蒜頭，成件事都好正！
文華海南雞飯（連飲品）
$108
44 views
0 likes
0 comments
另一款必試就係佢哋文華海南雞飯，用咗50 分鐘慢煮而成，肉質真係勁嫩滑！值得一讚係佢哋嘅雞皮唔會好似出面食到嘅雞咁，有層肥膏，薄皮脆口，做得唔錯。另外，佢哋嘅雞油飯都正，用雞湯及雞油烹煮成，夠晒香濃。
椰子雪糕咖央三文治 （連飲品）
$48
50 views
1 likes
0 comments
新加坡街頭成日食到雪糕三文治，估到呢度都食到！呢度嘅椰子雪糕係店家自製，熔得好快，但好香椰子味，唔似出面食到咁一口粉。外層就係搽咗咖央嘅全麥多士，多士烤過，脆脆地，食時外脆內凍，冰火感十足。
美祿哥斯拉
$38
24 views
1 likes
0 comments
美祿恐龍又係新加坡必飲嘅邪惡特飲，呢度嘅版本加埋脆口嘅美祿波波，連雪糕球食，脆脆口感好正。
玫瑰我愛你
$45
21 views
0 likes
0 comments
令我意外，呢杯嘢幾好飲，以新鮮椰子水、鮮奶及玫瑰糖漿調製而成，粉紅玫瑰糖漿同椰子水味道好夾，香甜清新，推薦！
▲Chatterbox Express感覺好平易近人，食度食飯好似置身新加坡咁！
Post
