Video
Read full review
2017-03-13
693 views
可能大家見到個標題會覺得我九唔搭八，其實係前排經歷過一段好唔開心嘅日子，係時候又要重新振作。呢段日子去咗好多唔同嘅地方，試咗好多唔同嘅新嘢，但係因為心情太差，所以錯過咗好多，好多都冇記錄低。今日開始想記錄低自己食過啲咩，好想以後每一份食評都分享下自己生活嘅事，當然冇可能一日三餐都出街食，更加冇可能一日打三份食評，一個禮拜廿一份。見到唔同人打食評都有唔同嘅風格，經常都會諗點樣先可以有多啲人睇，唔係博出位，亦都唔期望會有好多人分享出去，只係想推介自己覺得好食嘅嘢俾其他人。我中文唔算太勁，詞彙唔及人哋豐富，但係又未至於淨係識話人哋好好味，或者好難食，總之我有咩感覺都會好直接咁樣講晒出嚟。打咗無人睇嘅話，就當寫日記吧！由今日起，我要改變自己嘅風格，寫低獨一無二嘅感覺。今日去咗深水埗，第一次試呢個老鼠粉，呢間係一間馬來西亞嘅店舖，主要以外賣為主，鋪頭嘅側邊有一條小巷，小巷有幾個位比客人坐，環境雖然唔吸引，但係勝在呢間鋪頭嘅食物名字幾有創意，令我留低嘅深刻嘅印象。由於我係獨行俠，今次只係試咗招牌老鼠粉標準嘅size($25)呢個份量對於女仔嚟講應該啱啱好，所謂嘅老鼠粉即係銀針粉，本身銀針粉都有油，
今日開始想記錄低自己食過啲咩，好想以後每一份食評都分享下自己生活嘅事，當然冇可能一日三餐都出街食，更加冇可能一日打三份食評，一個禮拜廿一份。
見到唔同人打食評都有唔同嘅風格，經常都會諗點樣先可以有多啲人睇，唔係博出位，亦都唔期望會有好多人分享出去，只係想推介自己覺得好食嘅嘢俾其他人。我中文唔算太勁，詞彙唔及人哋豐富，但係又未至於淨係識話人哋好好味，或者好難食，總之我有咩感覺都會好直接咁樣講晒出嚟。
打咗無人睇嘅話，就當寫日記吧！由今日起，我要改變自己嘅風格，寫低獨一無二嘅感覺。
今日去咗深水埗，第一次試呢個老鼠粉，呢間係一間馬來西亞嘅店舖，主要以外賣為主，鋪頭嘅側邊有一條小巷，小巷有幾個位比客人坐，環境雖然唔吸引，但係勝在呢間鋪頭嘅食物名字幾有創意，令我留低嘅深刻嘅印象。
由於我係獨行俠，今次只係試咗招牌老鼠粉標準嘅size($25)
呢個份量對於女仔嚟講應該啱啱好，所謂嘅老鼠粉即係銀針粉，本身銀針粉都有油，所以食完會有少少油膩嘅感覺，加上招牌老鼠粉嘅配料有豬肉腸，豬肉碎，小小蔥花，仲有甜豉油。食完就唔會有餓嘅感覺了。豬肉腸有少少似潤腸嘅感覺，肥膏都比較多，減肥人士就唔應該去食啦，睇佢個樣好似會好鹹，但係撈勻左之後又唔多覺喎，另外甜豉油令到老鼠粉嘅味道百感交集，甜得來又鹹，鹹得來又甜，有種莫名其妙嘅夾。如果你唔明我講咩嘅話，就親自去感受一下啦。
由於呢個係標準size ,所以個碗有少少細，撈勻佢嘅時候有少少困難，撈撈下有幾條粉跌咗出嚟
食呢個嘅時候記住要帶紙巾呀，因為撈完你隻手已經好油係咪睇落覺得好油呢？話你知一樣野就係你會覺得越食越油，但係今次無叫嘢飲，原因係嚟得深水埗區，當然想食平啲啲，如果叫埋嘢飲就一定要三四十蚊，咁重點食平啲啲呢？
食咗九成左右就開始覺得有啲濟了，個底剩返好多肉碎，仲有幾啖汁，最後嗰幾啖因為太多肉碎啦所以越食越咸仲有啊！今次去到見到隔離個師奶左盒飯好香，好吸引架，雖然吾知係咩嚟不過見到又有少少肉碎，佢叫多汁的原有真係比多汁佢喎，等我下次試吓先。
＄25來講能夠餵飽我，令我非常之滿足
我諗嚟緊呢一兩星期依然會留喺深水埗周圍搵嘢食，尤其想儲錢嘅時候，一個禮拜來三四次揾平嘢食都唔錯
Post
