Video
Read full review
2008-08-10
21 views
八月七日(星期四)嘩!老公仔寫既食評又在U Magazine刊登la,三次投稿都被刊登…勁呀!!!我們就快可以免費食千両!!!今晚繼續加班,因為公司係IFC Palace包左場睇夜場Mummy III,所以我們與同事先吃晚餐…最後選了這裡!我地一行八位西裝友來到,好似同個環境唔多夾…無錯,我地就是想來感受一下大排擋的風味…有同事提起Openrice,原來他們都會看我們的食評,我們真的有忠實fans…要繼續努力,同事還着我們影多d相擺上來..既然來到大排擋,當然預了環境不太乾淨,但”伙計”的服務已經超出我們的期望,我們一行叫了十碟菜:1+2蝦仁炒蛋喜出望外,用石爐炒的蛋,火候十足,來到時還是熱騰騰的,而且蝦仁都幾大粒,掂呀!同澳牛的炒蛋相比,可謂一剛一柔.一碟賽在太少,我們還encore了一碟!3豉椒鵝腸呢碟係老闆推介,果然好新鮮,鵝腸夠大條,夠爽,夠彈牙4豉椒炒蜆來大排擋一定要試,因為係屋企炒唔出咁有火候,咁惹味…而且d蜆都尚算大隻,蜆肉咬落有口感,好入味…正!5蕃茄湯個湯好大煲,夠我們八人每人兩大碗,不過應該落了不少味精,飲完反而有點口渴6魚香茄子煲d茄子好惹味,而且軟硬度好適中,伴
嘩!老公仔寫既食評又在U Magazine刊登la,三次投稿都被刊登…勁呀!!!我們就快可以免費食千両!!!
今晚繼續加班,因為公司係IFC Palace包左場睇夜場Mummy III,所以我們與同事先吃晚餐…最後選了這裡!
我地一行八位西裝友來到,好似同個環境唔多夾…無錯,我地就是想來感受一下大排擋的風味…有同事提起Openrice,原來他們都會看我們的食評,我們真的有忠實fans…要繼續努力,同事還着我們影多d相擺上來..
既然來到大排擋,當然預了環境不太乾淨,但”伙計”的服務已經超出我們的期望,我們一行叫了十碟菜:
1+2蝦仁炒蛋
喜出望外,用石爐炒的蛋,火候十足,來到時還是熱騰騰的,而且蝦仁都幾大粒,掂呀!同澳牛的炒蛋相比,可謂一剛一柔.一碟賽在太少,我們還encore了一碟!
3豉椒鵝腸
呢碟係老闆推介,果然好新鮮,鵝腸夠大條,夠爽,夠彈牙
4豉椒炒蜆
來大排擋一定要試,因為係屋企炒唔出咁有火候,咁惹味…而且d蜆都尚算大隻,蜆肉咬落有口感,好入味…正!
5蕃茄湯
個湯好大煲,夠我們八人每人兩大碗,不過應該落了不少味精,飲完反而有點口渴
6魚香茄子煲
d茄子好惹味,而且軟硬度好適中,伴肉碎撈飯簡直係一流!
7豉椒鮮魷
我們起初都以為是炸的,原來係加鹽炒…魷魚本身幾爽口,不過可能咸了一點…
8椒鹽骨
唔錯,唔算太多骨,而且肉質煙靭,有嚼勁!...下次有機會試下個生炒骨先!
9炒通菜
通菜忌炒得太林,呢度就炒得唔錯la…啱啱好…不錯的一碟
10豆腐班腩煲
不是用炸好的豆腐,所以係豆腐碎,不過卻很滑,加埋個煲既汁一起撈飯食幾好味…不過,個石班係敗筆,唔新鮮,一點魚味都無
值得一提這裡的白飯好大碗,而且只賣$4!現在米價貴…超值…今次都算好錯,見唔到老鼠…
講起大排擋,不得不提沙角邨的”那間”…老公仔話佢以前成日都食,好好味,有機會一定要試,不過大排擋現在賣少見少…要快一點去la…
Post
