Video
Read full review
2022-04-06
67 views
放左工去附近搵下野食，見到橋底有間點心舖籠太子，大大隻字寫住免加一同茶錢三蚊，望落幾光鮮，價錢又唔貴喎，試下佢先。入到去，店員好快安排入座，仲問飲咩茶，有普洱、鐵觀音、同玄米茶揀，咁特別有玄米茶就揀佢啦。估唔到啲茶直接擺入個暖水壺入面，咁又幾好喎，可以確保啲茶一定熱。枱面嘅調味料有醋、喼汁同xo醬，個xo醬真係超好味，正到要攞黎撈飯咁濟，唯一要扣分係個器皿唔多乾淨，摸上手會黐立立…講番啲點心先，點心紙上選擇都幾多，最後揀咗四個點心同兩個蒸飯，雖然話即叫即蒸製作需時，但係都唔係等咗好耐，第一籠點心就嚟啦～先上枱嘅係籠太子蝦餃皇，大大粒好飽滿，蝦餃餡好鮮味，正喎。跟住到嘅係多汁蟹籽小籠包，一般茶樓嘅小籠包唔知點解都蒸到乾爭爭，但呢度冇喎真係好多汁，皮薄肉鮮，又係好好味。再來係煎蝦膠釀茄子，平時嘅鯪魚肉換咗做蝦膠，上面仲有一隻隻大蝦響度，賣相滿分之餘味道又係正嘅，半煎炸嘅茄子又脆又多汁，入口超熱呀。最後一樣就係魚肚水餃，水餃大大隻餡料多，魚肚爽口，個上湯好鮮甜，餃同湯都好好味，食曬啲餃連湯汁都飲埋唔好晒。仲有呢個朋友叫嘅鹹魚肉餅飯，佢話個鹹魚好味，唔係死鹹個種黎，啲飯係粒粒米唔爛，口感剛好，
入到去，店員好快安排入座，仲問飲咩茶，有普洱、鐵觀音、同玄米茶揀，咁特別有玄米茶就揀佢啦。估唔到啲茶直接擺入個暖水壺入面，咁又幾好喎，可以確保啲茶一定熱。
枱面嘅調味料有醋、喼汁同xo醬，個xo醬真係超好味，正到要攞黎撈飯咁濟，唯一要扣分係個器皿唔多乾淨，摸上手會黐立立…
講番啲點心先，點心紙上選擇都幾多，最後揀咗四個點心同兩個蒸飯，雖然話即叫即蒸製作需時，但係都唔係等咗好耐，第一籠點心就嚟啦～
先上枱嘅係籠太子蝦餃皇，大大粒好飽滿，蝦餃餡好鮮味，正喎。
跟住到嘅係多汁蟹籽小籠包，一般茶樓嘅小籠包唔知點解都蒸到乾爭爭，但呢度冇喎真係好多汁，皮薄肉鮮，又係好好味。
再來係煎蝦膠釀茄子，平時嘅鯪魚肉換咗做蝦膠，上面仲有一隻隻大蝦響度，賣相滿分之餘味道又係正嘅，半煎炸嘅茄子又脆又多汁，入口超熱呀。
最後一樣就係魚肚水餃，水餃大大隻餡料多，魚肚爽口，個上湯好鮮甜，餃同湯都好好味，食曬啲餃連湯汁都飲埋唔好晒。
仲有呢個朋友叫嘅鹹魚肉餅飯，佢話個鹹魚好味，唔係死鹹個種黎，啲飯係粒粒米唔爛，口感剛好，撈左啲鹹魚油超香口好正喎。
自己就叫左臘味飯，上面幾片臘腸，飯中間都有臘腸粒，都好足料呀。飯係糯米飯黎喎，煙煙韌韌有咬口，臘腸油撈飯又係勁正，食到停唔到口。
點心好食茶夠熱，慢慢嘆飲晒壺茶先走，離開個陣店無乜客了，可以同呢個打卡位影下相，哈哈。
仲買左手信走人添，個xo醬實在太正，店內消費就可以用七十蚊買一樽，朋友話要放公司撈飯撈麵食喎～
Post
