Video
Read full review
2019-10-03
158 views
第一次食齋，經朋友介紹下決定嚟呢個位於深水埗嘅「素年」試下。店鋪雖小但因為裝修係淺色系為主，感覺好舒服同埋唔會好窄好逼。晚飯時間都幾多人食，不過好彩朋友有預先訂位！建議大家去食之前訂一訂位先，費事去到要企喺度等好耐。店員親切有禮，成間店比我嘅感覺就係好warm好cozy.到食物方面，我自己叫咗「黑松露蘑菇漢堡」，呢個真係好好食值得推介，特別係中意食菇嘅朋友！因為個蘑菇好厚身而且好有味，同黑松露同埋芝士嘅配搭都恰到好處，食落好有層次感！同埋配漢堡嘅蕃薯條都炸得好香脆，但又唔會太油，食得健康啲之餘又可以享受美味，擺脫咗我對「食齋就一定好寡」嘅固有印象。簡單嚟講淨係呢個漢堡都足以令我回頭十次返嚟食，因為真係好好味！色香味俱全嗰種好味！朋友叫咗呢個不可能漢堡，入面嘅肉唔係真肉！不過我朋友話佢食落口感同味道都同一般漢堡扒無異，食落覺得好香口，想食下burger嘅veggie不妨嚟試！順帶一提，兩個餐都配咗凍伯爵茶，飲落覺得好開胃，配burger啱啱好！成餐食得好飽好滿足但又唔會覺得好油膩好有罪惡感，一定會再食，繼續支持呢啲本土小店！
店鋪雖小但因為裝修係淺色系為主，感覺好舒服同埋唔會好窄好逼。
晚飯時間都幾多人食，不過好彩朋友有預先訂位！建議大家去食之前訂一訂位先，費事去到要企喺度等好耐。
店員親切有禮，成間店比我嘅感覺就係好warm好cozy.
黑松露蘑菇漢堡
18 views
0 likes
0 comments
到食物方面，我自己叫咗「黑松露蘑菇漢堡」，呢個真係好好食值得推介，特別係中意食菇嘅朋友！
因為個蘑菇好厚身而且好有味，同黑松露同埋芝士嘅配搭都恰到好處，食落好有層次感！同埋配漢堡嘅蕃薯條都炸得好香脆，但又唔會太油，食得健康啲之餘又可以享受美味，擺脫咗我對「食齋就一定好寡」嘅固有印象。
簡單嚟講淨係呢個漢堡都足以令我回頭十次返嚟食，因為真係好好味！色香味俱全嗰種好味！
不可能漢堡
20 views
0 likes
0 comments
朋友叫咗呢個不可能漢堡，入面嘅肉唔係真肉！不過我朋友話佢食落口感同味道都同一般漢堡扒無異，食落覺得好香口，想食下burger嘅veggie不妨嚟試！
順帶一提，兩個餐都配咗凍伯爵茶，飲落覺得好開胃，配burger啱啱好！成餐食得好飽好滿足但又唔會覺得好油膩好有罪惡感，一定會再食，繼續支持呢啲本土小店！
Post
