碧儷苑·精點粵菜 (擺花街)

Open Now

Now Closed

之前冇聽過呢間中菜，見唔少好評中環又方便就黎試吓。入到去唔算大，裝修簡約，唔想諗食咩就揀左個4人餐。首先有杏汁白肺湯，每人飲到兩碗，杏汁味好重，養顏又好飲。會上埋湯渣，豬腸豬肺點豉油其實幾好食，肉就太鞋，湯夠老火。細食嘅飲完兩碗湯同食湯渣可能已經飽左一半😆雞湯浸鮮班球 - 呢個冇咩特別，魚唔夠滑麻婆豆腐龍蝦 - 好特別嘅組合，又幾正。係澳洲龍蝦，唔係波士頓，容易食又好味，少少辣惹味又開胃。炸子雞 - 太咸了，食左好少龍哥炒飯加左松子，食落唔油調味也做得唔錯。食到呢度其實已經飽飽地…然後眼前出現呢個陳皮砵酒炆牛尾，好大盤啊！夾薄餅真係冇試過，感覺幾新鮮。紅蘿蔔陳皮味好重，入曬味！最後係呢個可愛嘅甜品 - 黑糖蜂巢糕呢個餐其實夠5-6人食，我地4個人食到好飽都要打包。味道唔錯不過唔算話好突出，菜式特別，服務都好好。讚一讚個茶☕️，沖左好多輪味道仲夠濃，可以消滯，埋單1,600。