Video
Read full review
2018-11-19
102 views
女朋友收工之後想近近哋係返灣仔食嘢，見到呢間Kong除咗可以飲嘢，仲有埋晚餐供應，抱住試一試嘅心態就入咗去。原來呢間嘢前菜主菜沙律統統都可以自由配搭！最新奇有趣嘅竟然係西式嘅裝修格局居然有蔥油餅可以叫！鐘意試新嘢嘅我地點可以唔試，除此之外仲有唔同嘅dips可以俾我地揀。花雕雞肝醬同黑蒜蛋黃醬都好吸引，最後我地揀咗黑蒜蛋黃醬。中式蔥油餅同西式醬料嘅配搭居然俾人一種合作無間嘅感覺，一啲伏味都冇！蔥油餅香脆唔油膩，薄身得嚟又脆口，配上黑蒜蛋黃醬真係會令人停唔到口。宜家好多西餐都忽略咗前菜嘅重要性，但其實前菜做到一個開胃嘅效果係十分之重要。呢個蔥油餅（$48）配黑蒜蛋黃醬（$48）就做得非常好啦。沙律我地叫咗豆瓣醬浸椰菜花（$78），冇錯又係一種新穎嘅配搭。豆瓣醬微辣，椰菜花爽甜，配搭埋一齊有種入口刺激，咀嚼回甘嘅新體驗。而賣相同分量都係一等一，半只椰菜花咁上，一路鋸一路食，幾咁過癮。飲品我地揀咗蜜糖烏龍茶（$76）同自家檸檬梳打（$76），烏龍茶入口清新有淡淡既桂花味，最緊要係入面用真蜜糖，並非廉價糖漿。而自家檸檬梳打就真係夠曬新鮮，酸酸甜甜，飲落更加開胃。重頭戲就係女朋友摯愛——炸雞，呢間
女朋友收工之後想近近哋係返灣仔食嘢，見到呢間Kong除咗可以飲嘢，仲有埋晚餐供應，抱住試一試嘅心態就入咗去。
原來呢間嘢前菜主菜沙律統統都可以自由配搭！最新奇有趣嘅竟然係西式嘅裝修格局居然有蔥油餅可以叫！鐘意試新嘢嘅我地點可以唔試，除此之外仲有唔同嘅dips可以俾我地揀。花雕雞肝醬同黑蒜蛋黃醬都好吸引，最後我地揀咗黑蒜蛋黃醬。中式蔥油餅同西式醬料嘅配搭居然俾人一種合作無間嘅感覺，一啲伏味都冇！蔥油餅香脆唔油膩，薄身得嚟又脆口，配上黑蒜蛋黃醬真係會令人停唔到口。宜家好多西餐都忽略咗前菜嘅重要性，但其實前菜做到一個開胃嘅效果係十分之重要。呢個蔥油餅（$48）配黑蒜蛋黃醬（$48）就做得非常好啦。
沙律我地叫咗豆瓣醬浸椰菜花（$78），冇錯又係一種新穎嘅配搭。豆瓣醬微辣，椰菜花爽甜，配搭埋一齊有種入口刺激，咀嚼回甘嘅新體驗。而賣相同分量都係一等一，半只椰菜花咁上，一路鋸一路食，幾咁過癮。
飲品我地揀咗蜜糖烏龍茶（$76）同自家檸檬梳打（$76），烏龍茶入口清新有淡淡既桂花味，最緊要係入面用真蜜糖，並非廉價糖漿。而自家檸檬梳打就真係夠曬新鮮，酸酸甜甜，飲落更加開胃。
重頭戲就係女朋友摯愛——炸雞，呢間鋪頭既炸雞叫「港式咸檸炸雞」（$158），我地有諗過會唔會係茶餐廳個種西檸雞，果然呢間嘢又刷新咗我地嘅三觀。好搞笑，當我地落單個陣，waiter仲勁唔好意思咁話炸雞比較耐，要等兩分鐘。我同女朋友你眼望我眼，唔係呀嘛等兩分鐘都要say sorry？唔通講錯咗其實要等兩個字？點知最後真係只係等咗幾分鐘，炸雞就上檯，今時今日呢種效率去邊度搵？講返正題，炸雞。炸物最高境界就係香脆得嚟又唔會成口油膩，呢種技術日本做得最認真最出類拔萃。香港甚少有炸物可以做到飛油嘅境界，呢間餐廳，做得到。表面層份香脆，薄，完全唔油，好似啱啱烤完嘅雞皮咁香口，而佢只係一層麵粉！其次就係雞肉非常嫩滑兼且多汁，成功嘅炸物必須鎖好啲肉汁，呢一點都做得非常之好。最後有一點特別抵贊，就係落完檸檬汁之後，完全又係另一種口感。關鍵在於炸雞表層有落梅子粉，當你加咗檸檬汁上去之後，一啖咬落去，居然係一種刺激酸甜嘅口感，唔單單係酸，係酸甜！簡直就係將食材同配料運用到最高嘅境界，亦都無愧於「港式」呢個稱號。
由於炸雞份量頗多，環境又舒適，我同女友坐咗好耐先閃人，而老細同啲waiter都冇詐型，服務團態度認真抵贊。如果各位追求味覺上既新穎配搭，不妨來試試，埋單每人都係200左右咋。
Post
