壹號漁船 (富萊花園)

Open Now

Now Closed

行完山，滾水淥腳趕返嚟同屋企人食生日飯。都知就近過年，都預咗冇乜選擇，本身屋企人都預咗食套餐，咁就有一定嘅心理準備。人多所以都係嗌咗半席啫。白灼蝦係新鮮嘅，至少我食完個喉嚨冇痕痕癢癢。不過如果佢有個辣椒豉油點綴下就會更加好。另外，浸菜就淡咗少少，有少少失望之際，個蟹鉗挽回唔少分數。鮑魚好似泰式酸辣，而個燒雞唔夠熱，又好似跌返落去谷底咁。另外佢個海中寶賣晒，轉咗個羮我哋，都係基本嘢冇乜特別。反而對個斑有啲驚喜，好鍾意佢有啲榨菜土魷同銀魚仔喺上邊一齊蒸，咸鮮味十足送飯一流。個帶子炒飯都尚算乾身。如果要揀，我都係比較鍾意去另外嗰邊打邊爐放題，感覺上性價比高好多。