壹號漁船 (富萊花園)

Open Now

Now Closed

返去大埔搵吓我那此年既童年回憧🥹。每次返去都有選擇困難症，因為太多美食。Search 到呢間 CP 值超高既火鍋店，係稻香集團既 #壹號漁船，都好新淨企理，火鍋仲有卡座，大推👍。我係星期日晚去，成人每位$138再加一，如果係平日真係勁平😵，只係$99再加一，仲平過自己買料返屋企打邊爐🙀。✨先黎一鍋鷄煲，發現坐底可以再點鷄煲，如果食得落真係💥唔怕你點多幾個鷄煲，味道就一般，但對得起個價錢。✨有牛、豬、羊、蠔、熱食、菜、火鍋料、飲品、雪糕任食，咁價錢仲想點😜。✨牛肉都 encore 左好多碟，質素係合格，唔係全部都肥既平價牛肉，係靚既肥牛。✨熱食最好味係炒沙白，勁大隻😋，夠鮮甜，又係 encore 之一。

120分鐘時間，仲有15分鐘已叫交枱，已表明朋友去攞緊雪條，侍應立即在對講機說（佢地唔走，好相遇嘅客唔會咁啦），2分鐘後又話要執枱，5分鐘左右又問可否交枱😓我立即同經理講，上一次等左30分鐘才上雞煲，經理說會補回時間給我，結果侍應見張單夠鐘，就叫我離開，已立即說明經理同意補回時間給我們，給果5分鐘左右，極不客氣問我們埋單未😡我叫好問經理，她又在對講說我地唔肯離開😡兩次都一肚氣，從未遇過態度，這樣差極的員工，一定唔會再幫襯

第一次幫襯皆因看到網上推介，於是從平台早3天訂座2位18：30，當天已早15分鐘到場，但服務員竟然説要19：30才可入座，其實食肆推遲方面可以電話通知客人入座時間推遲，無謂要人白等，何以訂位確認還要等多一小時，第一已令我對食肆不满，食物質素方面普通沒有驚喜，而海鮮類魚，虾都要另外加錢，不會再次光顧。

#20240827 🤍📍 #壹號漁船大埔翠樂街8號富萊花園地舖及1樓A號舖 🍽️旺角彌敦道610號荷李活商業中心2樓A及B號舖➖➖➖➖➖➖➖➖➖➖➖➖➖➖➖➖➖#滋味雞煲任點任食 $98/位💭 呢度5點半先開始晚市入座，早到左可以先拎飛，時間一到就叫飛，話說當晚拎左張飛，叫第三張飛既時候已經叫到，但姐姐收左張飛就將佢放係枱面無再理，然後不斷叫其他飛，過左四五張飛後終於忍唔住問張飛放係到係做咩，想講叫飛果個姐姐都無答，而係隔離個姐姐好心話㩒錯左午市飛要㩒晚市飛🙃真係想講句大佬呀，你收飛果陣都講聲等人可以再拎過丫，又唔出聲就咁收左張飛放係枱，一直有人尼咁咪一直白等，真係未食已經一肚氣😡. 🥢 #奇味金肚雞煲 💭 限時食120分鐘，淨係等個雞煲都用左半個鐘，成場人都問究竟幾時上，然後廚師答一早煮好左，係無人去拎，但樓面啲姐姐不停係咁fill啲已經有好多既野飲同丸，真係吹到啤一聲🤯但公道啲講，個雞煲味係幾好，個汁用尼食響鈴魚皮果啲都好正，而且啲牛肚煮得好淋，唔夠食可以追加，會用碟裝上枱，咁可以保持返個雞煲啲味唔會溝淡左🐔. 🥢 #肉類💭 但不得不說，呢度啲牛係幾高質，出面其他地方可能比百幾蚊都食

之前夜晚新開張嚟打個邊爐。今次就飲下午茶。大廳呢邊比起打邊爐嗰邊更加寬敞，加上唔算好多人坐得都幾舒服。呢度點心啲款式都幾特別，大部份啲味道都唔錯，價錢亦都相當合理，係位置有少少隔涉，但係如果想飲茶冇咁嘈都可以考慮嚟呢度。講返啲食物先個腸粉裏面包住啲油炸鬼同埋蝦啲油炸鬼完全冇淋仲係脆卜卜，啲蝦肉又爽。鵝腸嗰份量就少啲，可能呢個係小食㗎關係。但係另外個魷魚唔會揸得太乾身仲好有肉汁。蝦餃燒賣就唔特別講啦，反而想講講佢個牛肉餃，好特別裏便係用咗免治牛肉整嘅，超有肉味，佢又唔似肉醬嘅口感，但係又唔會好似肉碎咁乾身，呢個值得嗌。個腸粉落咗啲蝦米喺度超香口。牛仔骨個量都足，又夠淋但又無梳打粉㗎感覺。可能佢自己做埋打邊爐，個滑牛粥啲牛肉都好嫩滑好夠厚。最後本來想嗌炒粉麵，但係見佢個酸菜魚都唔使$100就叫來試吓。如果鍾意食辣嘅朋友呢個真係超推介，個椒蔴勁搶喉辣得過癮，美中不足係可以酸返少少就正啦。另外個炸豆腐粒都幾特別外脆，裡面嘅豆腐還很嫩滑。

陪屋企人去咗大埔稻香食長腳蟹，嗰日中秋節食飯，但係人流唔算多，堅咁高興就嗌咗個阿拉斯加長腳蟹 連埋套餐埋單千幾蚊，但節日出去食都預咗我哋六個人食都啱啱好夠食，同埋幫手剪晒隻蟹，老人家食都啱

二人去打邊爐，揀左龍蝦湯底。佢仲有差唔多十款湯底，有花膠雞等等，湯底濃郁嘅。一坐低首先係一大盆海鮮拼盤，有蝦、鮮魷魚、桶蠔、蝦滑、魚肚、魚片、小鮑魚、大扇貝，好新鮮。另外仲放低兩碟牛，又係新鮮好食。無論菜、丸、蠔等等都係新鮮料，我地再加40蚊要左半隻澳洲龍蝦，鮮甜，啲肉令嘅，係爽口彈牙。基本上，食左海鮮拼盤，加一兩碟牛，已經飽到上心口。飲品任飲，雪糕有mega雀巢雪糕杯甜筒等等，熱甜品有芝麻糊。環境乾淨光猛，人均消費300蚊。哎嘅價錢，有咁嘅質素，我無投訴，會再去食。

母親節當日同媽咪去食晚飯，5個人叫左個半席母親節套餐$14xx(未計加一)，有10款食物、1支啤酒、4罐汽水 。柯打後20分鐘內已極速上左5度菜，同佢地講左食吾切慢慢嚟，但廚房一於少理，其餘5度都係迅速送出😆，啲野好快凍哂 。但其實餐廳吾爆，入座8成左右 ，可能廚房唔夠人掛🤷🏼‍♀️出餐次序同食物評價：1. 乳豬拼盤 - 乳豬一般，切雞、黑木耳、麻醬粉皮正常，叉燒好乾似柴皮2. 炸鮮奶 - 正常3. 澳洲龍蝦伊麵 - 龍蝦都新鮮嘅，味道正常，但伊麵就好難食，好「林」無味 。4. 蒸沙巴 - 腥，但養魚腥係正常，所以預左 。5. 螺片西蘭花 - 螺片好硬同整到好辣，怪怪地，西蘭花正常 。6. 炸子雞 - 七八成熟有血水，叫亞姐攞番入去整熟啲，佢話隻隻都係咁架喎，想放低就走😓，我哋堅決吾收貨，佢先肯攞走，最後碟雞10分鐘內出返嚟相信係用微波爐叮熟，冇咩雞味啲皮又唔脆 。7. 翅（唔記得係咩翅） - 魚翅近乎無，我嗰碗搵到兩條幼過粉絲，咁都算，但根本一啲味都冇唔知食緊乜 。8. 鮑魚花菇生菜 - 正常9. 荷葉飯 - 濕爹爹10. 壽桃包 - 最好味最正常😂我哋食淨好多嘢，好嘥，但真係好難食😭

第一次朋友介紹去食小菜，見D評論麻麻地，朋友又話好好食，真係一心諗住Try 下，朋友真係冇介紹錯，我叫左海鮮餐12人份量，真係冇諗過又平又好食😋直得推介由第一道菜開始到最尾都冇失望，海鮮又新鮮又好味，第一道菜出龍蝦🦞又新鮮又彈牙真係正到暈，魚又新鮮又滑捋捋又肥美，炸雞皮脆內軟又好味，鮑魚有新鮮，蜆肉菜有甜，個炸生蠔先不得了又大隻又好食，就嚟又到母親節都會帶家人去吃飯⋯正推介推介⋯正正正正正正正正

食物質素已經唔係重要 ‼️因當你上到去知道落唔到嚟已經所有胃口都無晒‼️4月20號晚帶同老人家去試呢間火鍋店，果晚傾盤大雨諗住都無所謂室內，我家老人家要用輪椅代步，但呢間已開多年前身是 稻香 都知有扶手電梯可以上，當落時可轉扶手電梯方向，因有兩層樓高度，當上到去等待入位時見一老人家要離開 當時要求店舖職員轉電梯方向，職員稱電梯已經不能轉方向，本舖亦沒有其他貨𨋢使用，只可以用樓梯行下去！！！樓下大堂完全沒有任何指示「電梯只供上 不提供落」，由於當晚大雨已上到去只好草草食完再由4-5人扶我家老人家落樓，所以發此文希望行動不方便就不要到此家！

未入去之前啲阿姐已經唔想做生意咁，唔理人，問咗幾次仲有幾多張檯先答你，明明入面有大量位置都唔畀你入…第一，餐具極其污糟，有幾個碗仲有菜係度…第二，餐牌編排不妥當，好難睇。寫好單後，等咗2分鐘一個樓面都未見到，最後要親自拎去接待處先可以落單。第三，食物好難食，乳鴿超咸，咸到苦，$288嘅龍蝦伊麵又細份，唔好食。價錢就見仁見智啦，但呢個價錢嚟講食啲咁嘅嘢絕對唔抵。唔建議食呢間壹號漁船，隔離明星咁cheap都好過佢。

行完山，滾水淥腳趕返嚟同屋企人食生日飯。都知就近過年，都預咗冇乜選擇，本身屋企人都預咗食套餐，咁就有一定嘅心理準備。人多所以都係嗌咗半席啫。白灼蝦係新鮮嘅，至少我食完個喉嚨冇痕痕癢癢。不過如果佢有個辣椒豉油點綴下就會更加好。另外，浸菜就淡咗少少，有少少失望之際，個蟹鉗挽回唔少分數。鮑魚好似泰式酸辣，而個燒雞唔夠熱，又好似跌返落去谷底咁。另外佢個海中寶賣晒，轉咗個羮我哋，都係基本嘢冇乜特別。反而對個斑有啲驚喜，好鍾意佢有啲榨菜土魷同銀魚仔喺上邊一齊蒸，咸鮮味十足送飯一流。個帶子炒飯都尚算乾身。如果要揀，我都係比較鍾意去另外嗰邊打邊爐放題，感覺上性價比高好多。

超級後悔的團年飯家人話平時點心幾好食所以黎試下全晚嘅食物都係唔熱燒鵝係返叮熱 啲皮叮到反晒但都係唔熱霸氣鮮炒出晒煙但都只係暖海中蝦個啲肉係腍嘅 蝦頭有幾隻都黑左個白飯係微暖同硬既 用筷子可以好似砵仔糕甘篤起成餅飯最嬲係明明個芝麻糊阿姐話送既 落晒俾全檯埋單時話只送一碗 個經理李小姐仲話唔好理佢地最多送兩碗算。 照俾$120錢唔係問題 成餐飯都食左幾千銀 態度好啲話溝通誤會 唔會全家人都食到成肚氣。呢間以後絕對唔會幫襯！

夜晚6:30開始禁飛攞位，7個人，嗰陣仲未有其他食客一齊等，到7:30問佢仲有幾耐，佢話大概半個鐘，等一張枱，但係其他人就算五至10個人，遲過我哋撳飛都入晒去🤷🏼‍♀️大家都係冇book枱，估唔到等一張枱要等到八點都仲未入得🤷🏼‍♀️跟住啲侍應零埋你，望住有一台客，舉手舉咗5分鐘都仲未有人過去嘢食就唔想講，等咗1:30鐘去食，真係唔係好值冇咩事建議多人嘅話book咗枱先去食👍🏼👍🏼反正服務0分

新開海鮮火鍋放題，見到價錢吸引，所以黎一試。裝修新淨企理有卡位，但衛生一般，不少食客都投訴枱凳有污跡，我當日去張枱就未完全抹乾淨。有多個湯底可以選擇，選擇咗龍蝦海鮮湯，同一般罐頭龍蝦湯嘅味道有些許相似，但唔會過鹹。套餐蓬鬆海鮮拼盤，以下係二人份量，海鮮拼盤份量多，有龍蝦、鮑魚及海蝦等等，而且海鮮尚算新鮮。肉類屬於一般放題級數，普普通通。一般嘅菜及丸類都可以出去自己拎，飲品選擇亦都多。甜品有雀巢雪糕及雪條等等，算係合格。可惜，衛生情況一般。由於衛生最為重要，因此應該唔會再嚟食。