太上漁村海鮮酒家

Open Now

Now Closed

平時有幫襯，服務OK。但一到農曆新年，想落單訂年夜飯外賣，提早一個星期問佢，佢叫我到時先訂，早一日再問清楚佢，可唔可以訂咗先，驚佢唔夠貨，結果被拒絕，佢同我講一定要當日先可以落單。好，我預好晒啲餸，準時過去買外賣，見到佢同買外賣嘅人講，做唔切，叫啲人諗吓去第二度買！！ 我聽到佢不停咁幫啲熟客留餸，作為普通客人嘅我，心裏不爽。我真係俾佢激死，我早啲又唔俾定，聽佢講當日去有冇得訂！最重要係，我預好晒啲嘢，陣間人哋嚟食飯，而家乜都冇，咁點搞！雖然之前OK，但係今次咁樣俾佢一鑊翹起，非常不滿！作為一間已經做咗咁多年嘅食店，做一新年飯，唔係新手，點解會咁混亂！