上海姥姥 (Closed)

新年嘅菜式就當然要有新年氣氛啲！同班Fd提早食團年飯，見到有新年Menu幾過癮，一齊試吓先！ 🧧大紅大紫小籠包($68)小籠包就食得多，但紅色嘅小籠包就真係第一次！其實裏面係XO醬加帶子，混合豬肉嘅小籠包！味道幾特別，XO醬嘅香味滲入豬肉裏面，香得來有少少辣，而且皮薄得黎又包得實正，湯汁完全留到係小籠包裏面，唔會一夾就散，讚！ 🦐姥姥金湯全家福($168)睇個樣已經贏咗🤣面頭鋪滿晒新年嘅材料，包括海參、雞🐔、蝦🦐⋯⋯成個小型盆菜咁，份量又唔算好大，如果得兩個人食，又想應下節，揀呢個就啱晒啦！ 🐟年年有餘老壇酸菜魚($108)新年當然要有魚，賣相好應節，成盤紅噹噹的！望見以為好辣，但係食落去又OK喎，酸菜味道比較出，唔算好辣，但有辣香，魚塊好滑，但又唔容易散，加埋蓮藕片同豆乾面伴底，好惹味 🍤黄金蝦仁炒飯($72)叫得黃金，就梗係有鹹蛋黃啦！咁邪惡嘅嘢，又點會唔好食🤣飯炒得比較乾身，粒粒分明，加埋juice嘅蝦仁，中和返個口感🥰 🍛吉祥平安八寶飯($58)八寶飯中間包着豆沙餡，面頭再加上紅棗、芒果、蜜餞車厘子，最後仲淋上桂花汁，感覺就好似食緊糯米飯咁，幾得意 🍵雪梨紅棗茶($18)紅棗加