舍利鮨 (Closed)

新年咁開心，橫掂今年都無得去旅行，就同寶寶去食餐好喇！今日就入咗元朗食Omakase，豪一豪！裝修簡潔得嚟仲好grand，帶有濃厚嘅日本風味。睇住師傅喺你面前即叫即整，真係別有一番風味。啲壽司真係好精緻，整體非常之新鮮。我叫咗中拖羅、鮑魚、帆立貝、海膽、牡丹蝦+蝦膏、剝皮魚+魚肝醬。真係覺得自己好豪，哈哈！我最欣賞就係嗰個中拖羅，真係有入口即溶嘅感覺，令我諗返起以前係日本旅行時食過嘅拖羅壽司咁正。個鮑魚又勁爽口入味，一啲咁韌感覺都冇。另外帆立貝都好特別，係有個磯燒爐细師傅係你面前燒，勁香，食落都好鮮甜同彈牙。