Video
Read full review
2018-03-28
518 views
呢間野已經黎過幾次，每次都淨係食羊肉搶湯拉麵，見到隔離枱嗌成幾樣餸好羨慕。難得最近鬆動左，就忍唔着要黎試佢其他嘢食！我地兩個人嗌左羊肉搶湯拉麵、招牌小籠包（5隻）、蝦米津白、上海炒年糕🍜羊肉搶湯拉麵就係不嬲都咁鍾意食嘅，首先佢個湯好正，好重羊肉味得黎又唔酥，啲拉麵條條都粗幼唔一樣，係人手拉出嚟嘅，全部都好煙韌。入面仲有啲羊肉同一啲配菜，啲羊肉就有時比較酥。我哋兩個人share嚟食，所以侍應都有幫我地將啲麵剪開兩份🍙招牌小籠包（5隻），啲皮好薄，隻隻都超大隻而且好多肉湯，個包有啲難夾，我哋要用筷子慢慢推佢上匙羹先食到🍲蝦米津白就比較普通，蝦米既味覺得可以再濃啲🥘上海炒年糕啲年糕唔係好煙韌，但全部都好黏有啲痴牙，嗰醬汁濃度適中唔會過咸兩個人食呢四碟菜都好飽，可能將其中一個麵食轉做其他小食會好啲。餐廳雖然唔近任何地鐵站，不過揸車人士都可以喺外面泊街。總括來講餐廳嘅性價比好高，適合任何人士黎食！
我地兩個人嗌左羊肉搶湯拉麵、招牌小籠包（5隻）、蝦米津白、上海炒年糕
🍜羊肉搶湯拉麵就係不嬲都咁鍾意食嘅，首先佢個湯好正，好重羊肉味得黎又唔酥，啲拉麵條條都粗幼唔一樣，係人手拉出嚟嘅，全部都好煙韌。入面仲有啲羊肉同一啲配菜，啲羊肉就有時比較酥。我哋兩個人share嚟食，所以侍應都有幫我地將啲麵剪開兩份
羊肉搶湯拉麵
$50
36 views
0 likes
0 comments
🍙招牌小籠包（5隻），啲皮好薄，隻隻都超大隻而且好多肉湯，個包有啲難夾，我哋要用筷子慢慢推佢上匙羹先食到
招牌小籠包（5隻）
$50
16 views
0 likes
0 comments
🍲蝦米津白就比較普通，蝦米既味覺得可以再濃啲
蝦米津白
$40
18 views
0 likes
0 comments
🥘上海炒年糕啲年糕唔係好煙韌，但全部都好黏有啲痴牙，嗰醬汁濃度適中唔會過咸
上海炒年糕
$55
43 views
0 likes
0 comments
兩個人食呢四碟菜都好飽，可能將其中一個麵食轉做其他小食會好啲。餐廳雖然唔近任何地鐵站，不過揸車人士都可以喺外面泊街。總括來講餐廳嘅性價比好高，適合任何人士黎食！
Post
