Ivy (Closed)

IFC是我經常路過之商場，環境實在舒適，有新店開張，怎會不知，IVY 光猛乾淨，走到門面已經很有好感。素來少吃法國菜，因為不愛芝士忌廉，但這間主打海鮮的法菜，似乎唔用忌廉做汁，我有興趣試，正好今日下午心情好，花費多啲，善待自己。頭盆揀蟹肉龍蝦沙律 Crab & Lobster Salad，酸酸甜甜好爽，吃到粒粒龍蝦肉好嫩，但蟹肉就唔多覺，可能無留意，切咗幼絲啲青瓜，比用羅馬菜更爽脆，食完真的開胃哂！$248份的沙律，果然不同。繼續無肉午餐，主菜係青口 Mussel Arrabiata，係辣的番茄醬汁煮法國青口，啲青口真係好鮮嫩，連汁食好鮮甜，售價$258一份，都值。少見有用合桃做甜點，而且喜歡無花果，所以揀 Walnut Crepe ，合桃補腦，但外表有層苦的衣，要處理得好。薄餅皮軟熟又薄，合桃係甜啲，無花果香，橙醬酸味開胃，全部都係我鐘意，又唔太甜。這個午餐，奢侈了點，錢是用來花，吃得開心就好。離開時見有下午茶餐，唔怪得客人突然來了一班，以女生為多。