立鮨 (黃埔天地) (Closed)

🇭🇰✨黃埔環境寬敞有得坐嘅立鮨🍣之前食過佢哋尖沙咀分店，覺得性價比幾高，見佢哋係黃埔開咗新分店，梗係要試下！重點係新分店寬敞又有得坐，唔使企喺度食咁攰🤣基本上可以盲選立鮨人氣盛合、 嚴選火炙盛合，有齊人氣之選，省去揀食咩嘅煩惱😌火炙鰻魚壽司中鰻魚厚身啖啖肉🤤三文魚肥美🍣✨所有壽司都係用赤醋飯，所以較粘濕同酸，唔鍾意酸嘅朋友可以沾醬汁中和① 立鮨人氣盛合 $90🔹三文魚壽司、珍寶赤蝦壽司、北海道帶子壽司、自家製玉子壽司、火炙鰻魚壽司② 嚴選火炙盛合 $115🔹火炙三文魚壽司、火炙北海道帶子壽司、火炙左口魚邊壽司、火炙中吞拿魚腩壽司、火炙松葉蟹腳壽司③ 櫻花蝦玉子燒(兩件) $26🔹玉子燒控可試，甜甜地嘅玉子燒搭配微鹹嘅櫻花蝦，鹹鹹甜甜，加上爆汁三文魚子，口感和味道多元④ 金龍卷(吉列蝦卷) $48🔹卷物包住炸得好脆嘅吉列蝦，搭配沙律醬同蟹籽，一啖食哂好滿足！⑤ 炸雞軟骨粒 🍗 $38🔹非常脆口，送酒一流，忍唔住一啖接一啖🤤好快食哂成碟📍 立鮨 (黃埔天地) (紅磡)紅磡必嘉街120號黃埔天地第三期百寶坊地下G9號舖