Video
Read full review
2016-03-04
741 views
煲仔飯新店筲箕灣不嬲多野食，今次司令試左間新開既餐廳，小菜、煲仔飯一應俱全，性價比亦都好高。 椒鹽九肚魚 ($65)食得小菜，椒鹽一向都會係司令必叫既系列😝。今次司令叫左椒鹽九肚魚🐟，咬落覺得粉漿唔厚，而魚肉肉質嫩滑，都算得上係外脆內軟。配上椒鹽炸蒜，鹹鹹香香，送啤酒🍻一流呀！ 窩蛋牛仔肉煲仔飯 ($62）飯既份量算多，而且牛肉亦都唔少，配上蛋同煲仔飯特別既豉油，風味十足😚。簡直啖啖飯又啖啖肉，而肉亦都好滑，唔會韌😍！而配埋煲邊既飯焦食，令到個飯更加香口！但可能因為係窩蛋，所以飯會較濕潤，但司令略嫌佢太濕，少左粒粒分明既感覺。 白鱔煲仔飯 ($70)白鱔肉非常多，佈滿哂成個煲，配上絕配嘅豆豉同蔥，鮮味十足😋。而魚🐟本身亦都好新鮮，咬落彈牙，一d 都唔會霉呀！底下嘅飯仲吸收哂豆豉同特製豉油嘅味道，味道香濃。而且食落仲有淡淡既果皮香，所以唔會有魚腥味，仲令到個飯更加香添👅，剩係食飯已經食到司令停唔到口。 煎封龍脷魚 ($118）廚師將原條龍脷魚煎到脆卜卜，再加上特調既醬汁上碟。就咁睇，已經覺得會唔錯😏！司令影完相就即刻夾嚟食，雖然扁身，但肉質好滑，可見廚師控制
筲箕灣不嬲多野食，今次司令試左間新開既餐廳，小菜、煲仔飯一應俱全，性價比亦都好高。
椒鹽九肚魚 ($65)
食得小菜，椒鹽一向都會係司令必叫既系列😝。今次司令叫左椒鹽九肚魚🐟，咬落覺得粉漿唔厚，而魚肉肉質嫩滑，都算得上係外脆內軟。配上椒鹽炸蒜，鹹鹹香香，送啤酒🍻一流呀！
窩蛋牛仔肉煲仔飯 ($62）飯既份量算多，而且牛肉亦都唔少，配上蛋同煲仔飯特別既豉油，風味十足😚。簡直啖啖飯又啖啖肉，而肉亦都好滑，唔會韌😍！而配埋煲邊既飯焦食，令到個飯更加香口！但可能因為係窩蛋，所以飯會較濕潤，但司令略嫌佢太濕，少左粒粒分明既感覺。
白鱔煲仔飯 ($70)
白鱔肉非常多，佈滿哂成個煲，配上絕配嘅豆豉同蔥，鮮味十足😋。而魚🐟本身亦都好新鮮，咬落彈牙，一d 都唔會霉呀！底下嘅飯仲吸收哂豆豉同特製豉油嘅味道，味道香濃。而且食落仲有淡淡既果皮香，所以唔會有魚腥味，仲令到個飯更加香添👅，剩係食飯已經食到司令停唔到口。
煎封龍脷魚 ($118）
廚師將原條龍脷魚煎到脆卜卜，再加上特調既醬汁上碟。就咁睇，已經覺得會唔錯😏！司令影完相就即刻夾嚟食，雖然扁身，但肉質好滑，可見廚師控制火喉同時間都好好。魚肉亦都好配個汁，甜甜鹹鹹咁，香口又好味！碟上面仲會有刀叉🍽，司令建議大家用🍴，唔好就咁用筷子夾夾夾。😳😳因為司令夾到啲魚彈到周圍都係。
Post
