NAM NAM VIETNAMESE CUISINE

Open Now

Now Closed

青木瓜柚子蝦沙律：見旁邊有叫覺得好吸引。味道酸酸地，食落鮮甜，醒胃，青木瓜夠新鮮，同朋友仔食得津津有味。香葉肉碎生菜包：味道唔算好越南，似係港式菜，但好好味。肉碎帶點咬口，肥瘦均勻，生菜可以添加，搭配食降低油膩感。咖哩牛肋條配法包：可以轉白飯但法包絕對值得一試。淡淡麵包香氣，一定要點醬汁。咖喱惹味，微微辣度小朋友都接受。牛肉嫩滑，吸滿醬汁，整體搭配好好，性價比高。銀芽豆卜雲耳炒金邊粉：份量比想像中少，但勝在炒得夠入味而且感覺得到有鑊氣。食完都唔會覺得好油，唔錯。燒豬頸肉撈檬：夏天食最適合，冰冰涼涼十分開胃。上面有唔少肉，嫩滑可口。撈檬軟硬程度適中，搭配自家製酸甜醬汁，正。