臺北棧 (港威商場)

Open Now

Now Closed

三色鹽酥雞 $128雞件外皮鬆脆，唔算油膩～三款醬汁各有特色：柚子醬酸尾尾好開胃，松露醬相對重口味，冬陰功醬fusion有新鮮感！肉鬆皮蛋蛋餅 $78估唔到皮蛋痛又咸又甜嘅肉鬆竟然咁夾。大大份可以當主菜。櫻花蝦烏醋茄子 $48上一次去銅鑼灣分店都有點呢個清涼嘅冷盤，睇我二刷就知好味啦，大大舊好滿足！擔擔牛肉麵 $138手工刀削麵好有咬口，鐘意煙靭嘅一定要叫！五香牛腱竟然有四大塊，一啲都唔孤寒。招牌滷肉飯 $68滷肉飯比一般台式餐廳少肥豬肉，啱晒唔鍾意肥膏嘅我。啲飯有少少太淋，好彩糖心蛋補返啲分數！開心果麻薯蛋撻 $65又有開心果醬又有開心果碎，雙重滿足！雖然餅皮比較硬，入面有軟糯嘅麻薯補返數。開心果奶奶麻薯 $108已經係我第三次食呢間餐廳嘅麻薯，滑嘟嘟，軟林林得黎又帶半點煙靭，口感好正！海量嘅開心果碎，有粗有幼，完全唔怕唔夠撈。鳳梨苦瓜汁 $48以酸酸甜甜嘅鳳梨果醬點綴，飲落苦澀減半，好消暑！百香果綠茶 $38茶味香濃，唔算太甜，味道清新解膩。