Video
Read full review
2025-03-04
0 views
同老公去荃灣逛逛，本想到楊屋道街市買餸，但經過百悅坊，見到有人派飲品，走去八掛下，原來係食肆，見舖頭咁識撈，入去試下先。環境：一入去，好有80，90年代感覺，舖綠白地磚，用港式摺枱，店內播放beyond 梅艷芳等嘅音樂，好有feel。服務：好耐無見一間食肆有咁多服務員，不同年紀都好，非常勤快，亦反映老闆好著重服務，非常欣賞。食物：唔太餓，點左三味餸芫茜皮蛋鯇魚片浸油麥菜湯鮮甜，皮蛋好Q彈入味，鯇魚片食得出好新鮮，唔錯呀。脆皮豬手，皮真係脆，食到尾都保持到口感，豬手肉唔會太鹹，肥瘦適中，上品。香煎黑松露蓮藕墨魚餅，呢個香氣四溢，鍾意黑松露嘅不能錯過，墨魚餅亦非常彈牙，亦係上品。埋單之際，服務員話有甜品送，我哋揀左綠豆消清心丸，好清，唔甜，感覺清新，幾好。總結：正常大排檔價錢，但茶餐廳嘅乾淨舒適，好味又有feel, 下次再嚟先。
環境：
一入去，好有80，90年代感覺，舖綠白地磚，用港式摺枱，店內播放beyond 梅艷芳等嘅音樂，好有feel。
服務：
好耐無見一間食肆有咁多服務員，不同年紀都好，非常勤快，亦反映老闆好著重服務，非常欣賞。
食物：
唔太餓，點左三味餸
芫茜皮蛋鯇魚片浸油麥菜
湯鮮甜，皮蛋好Q彈入味，鯇魚片食得出好新鮮，唔錯呀。
脆皮豬手，皮真係脆，食到尾都保持到口感，豬手肉唔會太鹹，肥瘦適中，上品。
香煎黑松露蓮藕墨魚餅，呢個香氣四溢，鍾意黑松露嘅不能錯過，墨魚餅亦非常彈牙，亦係上品。
埋單之際，服務員話有甜品送，我哋揀左綠豆消清心丸，好清，唔甜，感覺清新，幾好。
總結：
正常大排檔價錢，但茶餐廳嘅乾淨舒適，好味又有feel, 下次再嚟先。
Post
