聚聚 (Closed)

呢間餐廳聚聚主打新派粵菜，加入左其他菜式元素，餐廳外觀同菜式都好適合打卡。餐前有一杯仔椰皇水，插住塊菠蘿，椰皇水椰香味好濃郁，連我本身唔好椰子都覺得幾好飲。🥥🐔 椰皇雞燉珍寶花膠湯 先上菜既係花膠湯，潤一潤先，呢個湯飲落清澈嘅食材味道，夾雜住一陣椰香，唔會有味精既假鮮味，仲有條10幾cm長既花膠，養生得黎又滋味。🍐不一樣的梨呢個甜品係一個熱食，唔止係一個糖水燉梨咁簡單，中間會夾雜住一d燕窩，除咗味道同口感都好豐富外，亦都好養顏滋補。🥩🔥 土炮安格斯牛叉燒聽個名就知道係特別方式煮，上菜個陣會係碟到點火，要準備好手機打卡。外觀似安格斯牛，但食落又係叉燒既味道，唔會肥膩口感又有少少牛肉既軟熟，值得推介一試。🥓🍍 焦糖菠蘿咕嚕肉咕嚕肉同菠蘿係分開上，賣相都幾另類。咕嚕肉外脆內軟，焦糖醬汁令咕嚕肉比平常既較甜，即使放耐左都係咁脆口。🐷火焰脆皮豬手豬手配有香草汁、黑椒汁和沙律汁供選擇，豬手外皮脆口，肉質厚實。份量有點多，適合3至4人份量。